Hilda aurkitu dute igande arratsaldean Lekeitio (Bizkaia) parean desagertu zen urpeko arrantzalea. Zarauzkoa (Gipuzkoa) zen, 24 urte zituen, eta urpekari aditua zen, urte askoan ibilitakoa.
Igande arratsaldean eman zuen mutil gaztearen desagerpenaren berri harekin batera urpekaritzan ari zen lagun batek, eta berehala hasi zituzten erreskate lanak. Herenegun eta atzo ere jarraitu zuten bilaketa lanek, uretako, lurreko eta aireko dispositibo zabalarekin. Aditu talde handia ibili da lan horietan; izan ere, Ertzaintzari eta Gurutze Gorriari Guardia Zibilaren erreskate talde bat eta Azti ikerketa zentroaren itsasontzi bat gehitu zitzaizkien azken orduetan. Erreskate lanean ibilitako bi ertzain erietxera eraman behar izan zituzten, han artatzeko, baina haien egoera ez da larria.
Igandean, bi lagun zebiltzan arrantzan Santa Katalina itsasargiaren parean, eta batek bestearen arrastoa galdu zuen. Ertzaintzari 17:45 aldera eman zion abisua.
Igandean desagertu zen urpekariaren gorpua aurkitu dute Lekeition
Igande arratsaldetik zegoen desagertuta, eta hilda topatu zuten atzo arratsaldean. Zarauzkoa (Gipuzkoa) zen, eta 24 urte zituen
Iruzkinak
Ez dago iruzkinik
Ordenatu
