JIRA

'Rock radikal vasko'

Angel Erro -

2019ko martxoak 14
Aitortu behar dut lehen kolpean sinpatia piztu zidala bestela ezertaz ezagutzen ez dudan Isabel Bonig Valentziako alderdi popularraren presidentearekiko, honek tokiko telebista bateko elkarrizketa batean bere burua euskal rock erradikalaren zalea aitortu izanak. Nik ere uste dut, berak esan bezala, PPkoa izateagatik ez duzula zertan Julio Iglesias edo Norma Duval maite. Horretarako bota zuen Bonigek, berez, hauteskunde garaian topikoa hautsi eta sinpatia pizteko. Aurkezleak RRVri buruzko test laburra pasarazi eta asmatu zuen, «Mucha policía, poca diversión» leloa Eskorbutori zegokiola, «Sarri, Sarri, Sarri, Sarri...» Kortaturena zela eta «Ellos dicen mierda; nosotros, amén» La Polla Records-ek abesten zuela.

Egoerak eragin kontraesanak azkenean eztanda egiten du. Hala salatu du, ezin bestela, Fermin Muguruzak berak: «Nire kontzertuak debekatzen dituzte [PPkoek], Espainiar telebistan ni elkarrizketatzeagatik barkamena eskatzera behartzen dute [Antonio Garate 24 Horas kanaleko aurkezlea], baina Bonigek primeran pasatzen du Sarri-sarri abesten. Norbaitek azalduko nondik datorren kaka hau?».

Saiatuko naiz ni: une batez bistararazi du, deskuidu batean, arauak, debekuak, barkamen eskeak besteentzat direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna