JIRA

Ordu aldea

Angel Erro -

2020ko azaroak 4

Zutabe hau idatzi eta ordu (gutxi) batzuetara ohera joanen naiz, oraindik ez dakit liburu batekin edo AEBetako hauteskundeei buruzko txioekin. Lo sakonekoa naiz, arin afalduz gero behintzat, eta gaur ez dut betekada egiteko asmorik. Hortaz, esnatu arte (zuek irakurleon egunean esnatu arte) ez dut emaitzaren berririk izanen. Gogoan dut orain lau urte hartu nuen ezuste etsia. Inork ez zuen uste seriotan Trumpek irabaz zezakeenik. Zenbat aldatu den orduz geroztik mundua. Gaur posibleago ikusten dugu ia edozein gauza. Sineskortasunaren halako etenaldian gaude denok. Aurten ez gaitu harrituko emaitza batek edo besteak. Beste ezberdintasun bat da aurten inor gutxi ibili dela bi hautagaiak funtsean berdinak direlakoa aldarrikatzen.

Esan bezala, mundua asko aldatu da (okerrera) lau urteotan, eta norabide horren faktoreetako bat trumpismoak ekarri negazionismo harro hedakorra da, 2016an egia-ostearen kontzeptuaren orokortzetik 2020an Independentea egunkaria sortzerainoko uztaia marraztu duena.

Hemendik ordu (ez hain gutxi) batzuetara esnatuko naiz, baina nekez poztuko naiz. Amesgaiztoa, onenean, moteldu baino ez da eginen. Eskuinak ereindako legitimotasunik ezaren hazia ongi landaturik dago honezkero.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna