JIRA

Zentraltasuna

Angel Erro -

2019ko ekainak 18
Nafarroan bi bihozkada kontraesankorren artean kulunkatzen gara. Alde batetik, badakigu politikan gauzak oso mantso aldatzen direla, baina, bestetik, uste dugu legealdi bakarra aski izan daitekeela egoera berriren bat kontsolidatzeko. Azkenean, ez dira hain kontraesankorrak ere, mantsotasunari tarteka atzera jotzeko aukera gehitzen bazaio.

PSN azken egunetan (larunbateko udalen eraketa barne) egiten ari den estrategiaren atzean Nafarroako politikaren bigarren bihozkadaren zantzuak ikusten ditut. Zentraltasun politikoa irabazi nahi du ziztu bizian, horretarako batean kale eta bestean bale egin behar badu ere, inorekin guztiz ezkondu gabe, berez bozetan duen baino indar eta eragin handiagoa proiektatzeko. Seguruenik uste dute asteotako lana garrantzitsuena dela hurrengo lau urteen buruan emaitza hobea lortzeko. Irudi du eskuinari lagundu nahi diola, baina, normala denez, bere buruari baino ez dio lagundu nahi. Benetako bataila ezkerrera du. Horregatik saiatu da udaletan ezkerreko bestelako aukerak oztopatzen. Ezkerreko erreferente bakar bilakatu nahi dute, behar dute, hemendik lau urtera, behin Geroa Bairen zentraltasunak, Iruñerritik behera batez ere, oraindik kristalezko sabaia duela ikusita.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna