Albistea entzun

JIRA

Adituarena

Angel Erro -

2022ko ekainak 15

Joan den astean Joxe Iriarte Bikila-k iritzi artikulu batean aipatu ninduenetik GKS-Ernai-ren artekoari buruzko aditu modukoa bilakatu naiz nire lagunentzat. Erantzuten ez dakizkidan galdera zailak egiten dizkidate, baina errazei ere, gai honen inguruan, ez dakit ongi nola erantzun. Iruzurgile sindromeak jota nago. Haren kontra sendabide eraginkorrena isilik egotea izaten da (guztiarekin ongi joaten da isiltasuna), baina ez da beti posiblea, mantenuari eta adiskideen arteko giro onari eutsiko badiegu.

Hitz beste egiteko ahaleginek, gainera, huts egiten didate gehienetan. Zer du gai honek hainbeste interesatzen duenik? Esanen nuke eszisioaren eszitaziotik haragoko zerbait dela, baina, esan bezala, ez naiz honetan (nire lagunek uste duten) aditua. Umorearen ustezko ihesbidea baizik ez dut eskura. Suerte pixka batekin, diot, honek Gabonetara arte irauten badu, azken aldian hain lasai joan diren afariak atzera gudu-zelai bilakatuko zaizkigu, garai batean bezala, haserre eta mutur luze tartean. Irudikatzen dut amatxi edo aitatxiren batek poza hartuko duela, aitortu ez arren, gure betiko tradizioak berreskuratzeagatik.

«Gabonak? Udako jaiak dira bero datozenak, ikusiko». Erantzun didate. Txantxetan ere asmatu ez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...