JIRA

Alderdikeria

Angel Erro -

2018ko irailak 26
Herri hau nola dabilen, politikoki zer markotan sartuta egon den aspaldi handian, ongi azaltzen du Maria Txibite PSNko idazkari nagusiak Nafarroako Gobernuari egin dion eskaintza akaso asmo onekoak. Herrialdeak 113 milioi ditu soberakin, nahi dituen proiektuetan, garapen proiektuetan, gastatu ahal izateko (edo, garapen kontuei dagokien aditza erabilita, inbertitu ahal izateko), baina Espainiako lege batek, aurrekontuen egonkortasunari buruzkoak, inbertsioa onartu behar duen ala ez ari dira. Nafarroako Gobernuak dio Espainiakoarekin harremanean jartzen saiatu dela alferrik eta, edozein modutan, babesten duten alderdiekin batera, aurrera aterako duela berea, premiazko prozeduran.

Hor heldu da, parlamentuaren egoitzan, Txibiteren eskaintza, bere burua bitartekari proposatu baitu, Ogasun Ministerioarekin eta are Pedro Sanchez presidentearekin berarekin harremana errazteko, haiei eskaeraren berri emateko. Eskaintzak, berez, erakundeen arteko harremana, alderdikeriaren olioztatzerik gabe, ez dabilela salatzen du. Alderdi baten edo biren artean guztiona behar lukeena konpondu nahi disimulurik gabeko horrek agian beste deusek baino hobeki argitzen du zergatik autonomien estatu hau funtsean huts egindakoa den.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna