JIRA

Toki arriskutsua

Angel Erro -

2018ko ekainak 26
Ume tolesgabeak homosexualitatera bulka ditzakeen aitzakiarekin Billy Elliot musikala kendu dute Hungariako Opera Antzokitik. Musikala ez, baina filma ikusi dut, beranduegi inora bulka nintzan; ezin, beraz, esan eragin hori baduen. Lana ongi ulertu banuen, mezua kontrakoa da: rol aurreiritzien aurkako aldarria.

Bat nator gauza batean hungariar zentsurazaleekin. Badira sexualitate kukutua agertzen lagun dezaketen lanak. Niri (har dezatela gogoan debeku berriak ezartzeko) Farinelli filma erabakigarri gertatu zitzaidan; bizpahirutan ikusi nuen zineman, bakarka, etxean gezurra esanda. Orduz geroztik, analogiaz, ahots tesitura hura eta barrokoa gaytasunarekin lotu ditut, debekagarriaren eremua aise hedatuta. Beste adierazpen artistikoen eraginez, homotzat jotzen dut halaber grezieratik eratorritako guztia, ur elementuarekin lotura duten espazioak, marmola eta, berrikiagotan, baita zenbait drogaki ere (ez guztiak ilegalak).

Berez, Hungariako hiriburuari, bertan eman nuen aste laburrean egiaztatu nuenez, homosexualitatera bulka dezakeen toki arriskutsu deritzot bere osoan, bere dozenaka bainuetxerekin, bere marmolezko teatro (grezierazko hitza) ikusgarriekin eta inoiz dastatu dudan ardo goxoenarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna