JIRA

Abiadura handian

Angel Erro -

2018ko irailak 11
Jainkoek eta intelektualek guztia abiada handian ikusteko ahalmena daukate. Abiadura handiko irudiek ulermena errazten dute. Hilkorrok 1:1 eskalara kondenatuta gaude, garaikidetasun muturrekora, gertakizunen gertaera pisu eta motelera, ilusio eta etsipenera. Eta, hala ere, konturatzerako...

Diotenez, hiltzean, geure bizitza osoa timelapse-an igarotzen zaigu begien aurrean, seguruenik zertxobait uler dezagun, azkenik, geure mundualdiaz. Horregatik, maite ditut, aurrerapen txikiaren gisara, munduko migrazio uhin mendeetakoak, esaterako, segundo gutxitan laburbiltzen dituzten bideoak. Euskararen atzerakada motela erakusten digutenak. Horregatik maite ditut (bai, maite ditut) adiskideen ezkontzetan jarri ohi dituzten harremanaren hasieratik gaurkoraino argazki bilduma askotan ez behar bezain laburrak.

Zoritxarrez, begien aurrean denok nahi genukeen baino azkarrago garatzen ari den aldaketa bizitzen ari gara, timelapse-ko abiadura betean ia. Fotograma bat gehiago begietaratu zaigu asteburu honetan Suediako hauteskundeekin: Europan gertatzen ari den eskuin muturraren gorakada.

Ez dago jainko hilezkorrik edo intelektual handirik izan behar horrek nora garamatzan ulertzeko, mundualdi honetantxe.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna