JIRA

Ezeztapena

Angel Erro -

2019ko uztailak 19
Auzitegi Konstituzionalak, Espainiakoak, aho batez ezeztatu du Kataluniako Parlamentuak erregeari, Espainiakoari, oraingoari, suposatzen dut, egindako arbuio edo gaitzespena (hitz teknikoagoaz, erreprobazioa). Bi minutu gelditu naiz notizia gogoetatzen. Horrelakoetara ohitu gara, baina esanen nuke honek argi azaleratzen duela inguratzen gaituen politikak hartu duen kale itsua.

Lehenengo eta behin, ongi irudikatzen du gauza guztien judizializazio gero eta orokortuagoa (gertuago ere ikus dezakeguna, ikurrina udal bateko balkoira ateratzearen inguruan, esaterako...). Ematen du ia edozein erabaki edo ekintzaren atzetik etorri behar duela epaile batek berretsi ala atzera botatzera. Herritarrentzako bermea gabe, gehiengoaren interesen kontra doa ez gutxitan, epaileen hierarkia nork eta nola ezarrita dagoen gauza jakina baita.

Bigarrenik, erabaki judizial horien sakoneko hutsaltasunaren adibidea ere bada. Kataluniaren populazioaren ordezkariak diren parlamentarien gehiengoak arbuiatu du Espainiako erregeak gatazka katalanean jokatu duen rola. Legalki posiblea izan ala ez, iritzi hedatu hori egon badago. Uste izanen dute ebazpen bat baliogabetuta ezeztatzen dela jendearen, gehiengoaren ustea ere? Badirudi baietz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna