Albistea entzun

JIRA

Orgasmoa dohaintzan

Angel Erro -

2022ko abenduak 2

Notizia ez nuen ongi ulertu, agian egun berean gure izeba batekin gorpua zientziari dohaintzan emateari buruz hitz egina nengoelako. Egunkari batean «Cara Delevingnek bere orgasmoak zientziari eman dizkio» irakurri eta, orgasmoak gabe, organoak ulertu nuen. Kasik ez nintzen clickbait-ean erori, hain iruditzen zait, txalogarriaz gain, ekintza logikoa. Zorionez garaiz ohartu naiz amu sexualaz, eta orgasmoak zientziari (edo edozeini) nola eman ahal zaizkion jakiteko sakatu dut. Jakin dut Cara Delevingne aktore britaniarrak parte hartu duela generoen arteko arrakala orgasmikoari buruzko ikerketa zientifiko batean. Iruinxemea naizen aldetik, ezin izan dut saihestu Maia gure alkateaz gogoratzea. Orain bizpahiru urte, Iruñeko alkateak zentsuratu zuen Paola Damontik eman beharreko hitzaldi bat, hain zuzen, arrakala orgasmikoa hizpide zeukana (azkenean Emakumeen Etxean beharrean Katakraken eman zutena), «egokia» ez zelakoan. Zentsore atzerakoia alkatetzat izan dugula gogoratzeko bada ere merezi du Delevingneren notizia zabaltzea.

Orgasmo bat izan aurretik eta ondotik odol lagina hartzea baino ez du eskatzen ikerketak. Oposizioak alkateak estudioan parte hartzeko proposamena helaraztea espero dut.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.