Albistea entzun

JIRA

Zer bandotan zauden

Angel Erro -

2022ko uztailak 1

NATOren Madrilgo gailurrak amaitu behar izan du, ohar nadin zer den hartaz hainbeste gogaitzen nauen hori, hari buruzko notiziak ekiditeraino, are telebista itzalita ere. Halere, enteratu naiz nondik norako nagusiez, lehen damak (eta lehen jaunak) nola eraman dituzten, non eta zer afaldu duten estatuburuek. Laburki esanda: bandoa aukeratu didate nire izenean. Argi ikusi dut saihestu nahi izan dudan erreportaje bat albistegian entzutean. Azaldu dute NATOren terminologia (zahar)berri(tu)an Errusia mehatxua dela eta, gaizki ulertu ez badut, Txina, desafioa. Termino belikoetan azaldu dute, baina mehatxu eta batez ere desafio hura ilustratzeko irudiak ekonomiari zegozkion. Batez besteko ikuslea naizen aldetik, ulertu dut gerra mehatxu edo promesa dakartela merkatu jakin batera makurtu nahi ez dutenek. Modu berean ulertu dut, mehatxu edo desafio horretan, ni zer bandotan egon banagoen. Ados egon ala ez. (Beste bandoan ere egoteko prest egonen ote nintzen inork galdetzeko aukerarik ere gabe).

Beharbada gaizki ohitu gaituzte. Gure iritziak zerbaiterako balio duen. Geure burua non kokatu aukera dezakegula sinetsita, etikoki-edo. Euskal Herriko gatazkan bertan. Baina gerraren gramatika unibertsala beste bat da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...