JIRA

Itzulpena nirea da

Angel Erro -

2019ko maiatzak 23
Posta bidez bozkatu duenaren olinpikotasunaz, etxera iritsitako alderdi politikoen gutun irekitze solemnea egin dut sukaldeko mahaian, hots, unmailing delakoa. Paper horietako batzuek patata azalak bilduko dituzte laster. Bitartean, kukuak jotzen badit, zutabe baterako baliatuko ditut.

PSNren propagandak berehala deitu dit atentzioa. Ez Maite Esporrin portadan duen triptikoan, ez Maria Txibiterenean, ez dut aurkitu euskarazko hitz bakar bat ere, bigarrenak (itzulpena nirea da, noski) «errealitate soziolinguistikoaren arabera euskara babesteko» konpromisoa inprimaturik badakar ere. Zer, nongo, errealitate soziolinguistikok eraman ditu euskararik gabeko orri tolestu hau igortzera? Harrigarriki, Pedro Sanchezek eta Josep Borrellek Europako hauteskundeetarako sozialisten aldeko botoa eskatzen didaten gutuna elebikoa da. Horrek gogorarazi dit orain lau urtera arte inoiz aitortza linguistiko handiagoa sentitu dudala Espainiako erakundeetatik (nortasun agiria euskaraz, etab.) neure erkidegotik baino. Horretara itzuli ahal garelako beldurrak jo nau, eta ez zait munta gutxikoa iruditzen, aski esanguratsua baizik, PSN izatea oroitzapen hau piztu didana. Atzera egiteko gogoa ezin izan dute aste pare batez atzeratu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna