Albistea entzun

JIRA

Inkestei begira

Angel Erro -

2021eko urtarrilak 23

Maiteminduen egunean badakit zer eginen dudan. Gutxi gorabehera. Igande batean da aurten. Igandeak aski egun dibertigarriak izaten dira norbaitekin nagoenetik. Bestela litzateke katalana banintz. Aurten, esan nahi dut. Ez nuke jakinen agendan zer idatzi. Hauteskundeei tartetxoa gorde beharko niekeen ala ez. Printzipioz bai. Momentuz bai. Data finkatu eta atzeratu eta gero berriz lehengoratu ondoren, otsailaren 14an izanen da, printzipioz eta momentuz. Entzun dudanaren arabera, azken unera arte, kanpaina betean egonda ere, epaile batek erabaki lezake berriz kontrakoa esan eta atzeratzea. Zuzenbidezko estatu batean bainoago, non ziurtasun juridikoa nagusi den, balirudike intrigazko batean gaudela, non plot twist-ak diren lege.

Ikusteko dago, hauteskunde katalanak otsailean eginez gero, zein izanen den azkenean gertakizunen biraketa. Inkestak Illa fenomenoaz mintzo dira. Osasun ministroa hauteskundeak irabaztera irits liteke. Baina hor amaituko ziren aldaketak? Horrek ezin du ERC, orain arte irabazletzat ikusten zuena bere burua, gauzak birplanteatzera eta Pedro Sanchezi babesa kentzera eraman? Sozialistek Katalunia irabazi eta Espainia gal zezaketen? Epaile batek erabakiko du, legeari edo inkestei begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna