Albistea entzun
Emakumeen aurkako indarkeriari ez
Emakumeen aurkako indarkeriari ez

JIRA

Sabotajea

Angel Erro -

2022ko irailak 29

Gaur, mesedez, albistegirik ez, eskatu dit bikotekideak eta onartu diot. Gas hodien sabotajea, Donbasseko erreferenduma, Italiakoa... Hondoa nola jotzen ari garen ikusi beharra. Baina nik gaurkoan zerbaitez idatziko badut, Naufragoak saio berriari uko egin behar eta ezkutuan bilatu ditut egunkari digitalen berriak.

Ez zait argi gelditu bigarren gerra hotz betean gauden ala munduko hirugarrenean. Oraingo honetan, baina, Alemaniak ez dirudi rol handirik jokatuko duenik. Nork esanen zigun zeinen azkar pitzatu den Europako lokomotorra omen zena (eta Europa osoa berarekin?). Gas hodien sabotajeak jokoz kanpo harrapatu du (eta utzi ere?), Errusiarekiko menpekotasun energetikoaren aldeko apustuak lidergoaren galera ekarri dio; ez dakigu, baina, noren eskutan utzita. Kasualitatea da eskuin muturra arrastoan sartuta eduki duen herrialde bakarrenetakoaren gainbehera eta mugimendu horren gorakada bat etortzea?

Film onak etorriko dira denborarekin, honek guztiz finitzen ez bagaitu, Nord Stream-en sabotajea ardatz izanen dutenak, menturaz bikotekideak nirekin ikusi nahiko dituenak, gauza jakina delako gerra hotz eta munduko gerrek intrigazko fikzio ona ematen dutela, gaur ez dugun argitasuna eta itxaropena eskaintzeko gauza.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...