JIRA

Analogikoki

Angel Erro -

2019ko ekainak 14
Tarteka irakurtzen dugu Silicon Valley-ko langileek seme-alabak teknologiarik gabeko ikastetxeetara igortzen dituztela. Eskolan orria eta arkatza. Horrelako kontraesanak sinesgarri suertatzen dira, eta galdetu beharko genuke zergatik. Egiazkoak izan daitezke, noski. Gertatzen dira horrelakoak. Konparazioa zilegi bazait, gure aitak haragi-fabrika batean lan egiten zuen, eta ez zuen etxean saltxitxak jaterik nahi. Bazekien nola zeuden eginak. Arrebak eta biok, gaur egun, jaten ditugu arazorik gabe. Oraintxe beste kontraesan batean erortzen ari naiz, hau idatzita, berez ikastetxeak teknologiaz hornitzearen aldekoa naizelako. Uste dut horren aldeko txio bat zabaldu nuela behin. Irri egiten diet guraso teknofoboei, batez ere iritziak aurrez aurre beharrean sare sozialen bidez helarazten dizkidatenei, baina, guztiok bezala, deskonexio digitalarekin amets egiten dut. Inoiz gai izanen ahal naiz.

Hong Kongeko protesten ostean, manifestariek ilara luzeak osatu dituzte, metroa hartzerako, bono txartela erabili beharrean, billete bat txanponez erostean. Analogikoki manifestatu eta gero, ez zuten arrasto digitalik utzi nahi. Digitalaren ondorioak beti baitira analogiko. Hori behintzat argi behar dugu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna