Bilborock, bertako pop rockaren erakusleihoa

Doako kontzertuak Bilboko Aste Nagusiaren bereizgarrietako bat dira. Horretarako, txosnetara joan daiteke, ala Bilborock aretora bestela. Bertako pop-rock edo metal taldeen 33. erakusgarria egiten da bertan, eta doako bi kontzertuz gozatzeko aukera dago egunero. Txupinazoarekin batera igo ziren lehen taldeak taula gainera, eta larunbatera arte iraungo du. Gaur, Muskhum eta Aizkorak Zorroztu & The Mia Wallace Band bilbotarren txanda izango da, eta bihar Valkyra eta Hex taldeena.