PP finantzaketa handitzea ari da negoziatzen

Berria -

2019ko urtarrilak 15
Itunpeko eskola erlijiosoetako gatazka bete-betean dela, EAEko PPk iragarri du finantzaketa publikoa areagotzea negoziatzen ari dela Eusko Jaurlaritzarekin. Zehazki, gobernuarekin hitz egiten ari dira itunpeko sarearen finantzaketa handitzea, langile publikoen soldatak igotzearen truke —hori jasoa zuen gobernuak aurrekontu proiektuan, baina ez zuen lortu babes nahikoa proiektua onartzeko—. Alfonso Alonso PPko presidenteak ohartarazi du «sekulako ezberdintasuna» dagoela sare publikoaren eta itunpekoaren finantzaketan, eta diru gutxiegi duela itunpekoak.