Feministek bat egin dute urtarrilaren 30eko grebarekin
Urtarrilaren 30ean besoko morea jantzita kalera atzeratzeko deia egin du Euskal Herriko Mugimendu Feministak. Bilbon egindako agerraldi batean, pentsio eta soldata duinak aldarrikatuko dituen grebarekin bat egin dute feministek. Gainera, eskatu diete Euskal Herriko Gutun Sozialeko kideei bere egin ditzatela martxoaren 8ko greba feministaren irakaspenak. Horrela, «zaintzen kudeaketaren ariketa kolektiboa» egitea proposatu dute, grebaren egunean ez dadin lan hori emakumeen gain eror. Greba baliatu nahi dute emakumeek doan egiten dituzten lanak ikusarazteko, eta, horretarako, eskatu dute amantalak leihoetara eta balkoietara ateratzeko. Eremu sinbolikoak ere sortu nahi dituzte, «greban egon ezin diren emakume guztiengatik —etxeko langileak, presoak, zaintza lanak egiten egongo diren emakumeak, eraildakoak...—».
Iruzkinak
Ez dago iruzkinik
Ordenatu