Gipuzkoak neurriak eskatu dizkio Parisi muga traba ez dadin

«Ekonomia trabatu ez dadin» neurriak hartzeko eskatu dio Gipuzkoako Foru Aldundiak Parisko gobernuari. Biriatuko mugan kamioiak joan-etorrian arazorik gabe ibil daitezen nahi du Imanol Lasa aldundiko bozeramaileak. «Guk ezin diogu soluziorik eman arazo horri, baina gure kexua adieraz dezakegu», esan zuen atzo. Garraiolariak Frantzia osoan zehar ibili ahal izateko «neurriak» nahi ditu Lasak. Horrez gain, «elkartasuna» adierazi die Jaka Horien protesten eraginek bete-betean harrapatu dituztenei.