BIRA

Hitzak eta azak

Onintza Enbeita -

2019ko azaroak 20

Ez nuen ezer berezirik egin, baina arraro begiratu zidaten han zeudenek. Astelehenetako eskaparatea garrantzitsua da, baina norbaitek han ez dagoenik nahi badu, aste barruan eramaten ditugu barazkiak Gernikara. Emakume batek azak erosi zizkidan, eta gehiago nahi zituela esan zidan: ahal balitz, beste sei. Baietz esan nion. Ez direla hainbeste saltzen eta ez ditudala denak azokara eraman, baina egotez, badaudela beste sei, eta nahi badu, beste hamabi ere baietz. Halako lekutan uzteko esan zidan, eta ea nola ordainduko zidan galdetu. Hurrengo astelehenean etortzeko esan nion: pisura saltzen ditugula, eta batu arte ez dakidala ziur zenbat kostatuko zaizkion. Joan zen emakumea, eta alboa begiz bete zitzaidan: ea emakumea ezagutzen nuen, gehiegi fidatu naizela... esplikatu nien emakume hartaz fidatzeko eta ez fidatzeko genituen arrazoiak berdinak zirela. Zer zen kontua, baina? Bada, kontua zen emakumea errumaniarra zela. Hara bere delituaren larria eta kondenaren injustua. Nik esandako lekura eraman nizkion azak; berak esandako moduan ordaindu zizkidan. Pentsatzen dut azok janda edo jateko bidean izango direla honezkero, baina nire ustezko hanka sartzea epaitu zutenek ez dute oraindik gaizki esandako hitzik jan. Eta ni zain nago (alferrik bada ere).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

500 positibo baino gehiago atzeman dituzte Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak. Ortzaizen, Nafarroa Beherean, hiru pertsonari atzeman diete COVID-19 gaitza.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna