Noiz sortua: 2019-02-09 00:30:00

Nafarroan, oraindik eskualdatu gabe dago trafiko gaien eskumena

Beaumonten arabera, transferentziaren kostua zehaztea besterik ez da falta akordioa lotzeko

Joxerra Senar -

2019ko otsailak 9

Mende erdiaren ondoren, trafiko eskumena berreskuratzeko gutxi falta du Nafarroak. Urriaren amaieran, Moncloan eginiko bileran, Pedro Sanchez Espainiako presidenteak promes egin zion Uxue Barkos Nafarroako lehendakariari legealdia amaitzerako eskumen hori eskualdatuko zela. Herenegun, Maria Jose Beaumont Lehendakaritza, Barne, Justizia eta Funtzio Publikoko kontseilariak azaldu zuen urrats gutxi falta dela akordiorako.

Beaumonten hitzek lasaitasuna eman dute, azken asteetan zalantzak piztu baitira Sanchezek agindutakoa beteko ote duen. Neurri batean, Jose Luis Arasti Espainiako Gobernuaren Nafarroako ordezkariak hauspotu ditu dudak. Eskumena Nafarroak hartu arren, trafiko arloko zerbitzua Guardia Zibilak eskainiko zuela aipatu zuen Arastik abenduan. Gero, duela egun batzuk adierazi zuen maiatzerako eskumena gauzatzea oso zaila izango zela.

Ostegunean, zalantzak uxatu zituen Beaumontek. Bere hitzetan, «prozedura konplexua da» eta denbora behar du Espainiako Gobernuak, haren egitura barruan hainbat arlori eragiten diolako aferak: Barne Ministerioa, Ogasun Ministerioa eta DGT Espainiako Trafiko Zuzendaritza. Kontseilariak zehaztu zuen urtarrilaren hasieran Nafarroako Gobernuak akordiorako proposamena igorri ziola Madrili. Iragan urtarrilaren 30ean bildu zen Meritxell Batet Lurralde Politikako ministroarekin.

Batetek helarazi zion oraindik orain DGTk ez duela giza baliabideen eta materialen kostuaren gaineko azterketa amaitu. Datu hori funtsezkoa da ondoren Ogasun Ministerioari helarazteko, eta bere gain hartuko eskumenengatik Nafarroak urtero pagatu ohi duen ekarpenaren kalkulua berregiteko. Bi urrats horiek falta dira akordioa lotzeko.

Maria Jose Beaumontek esan zuen Fernando Grande Marlaska Espainako Barne ministroarekin ere bildu dela egunotan, eta hark begi onez ikusi duela espetxeetako osasun zerbitzua Nafarroaren gain uztea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna