Korrikan ere, 'ahobizi' eta 'belarriprest'

Datorren urtean egingo dute bigarren Euskaraldia. Ordura arte itxaron gabe, ahobizi eta belarriprest rolak Korrikan berreskuratzera deitu dute Euskaltzaleen Topaguneak eta AEK-k. Jasone Mendizabal Topaguneko zuzendariak «aldatutako ohitura horiei eusteko eta euskarazko harremanak zaintzeko» eskatu zien herritarrei. Klika da apirilean egingo duten 21. Korrikaren leloa; hau da, euskararen alde klik egitea. «Klika eta inertziak apurtzea eskutik doaz», adierazi du Mertxe Mugikak, AEKren koordinatzaile nagusiak.