Krisi sakonean murgilduta dago Espainiako errege etxea, eta, azken istiluak medio, gero eta gehiago dira instituzioa bera eta haren funtzionaltasuna kolokan jartzen duten ahotsak. Hori dela eta, Gipuzkoako Batzar Nagusiak monarkiaren aurka ager daitezela eskatzeko, ebazpen proposamena aurkeztu du Elkarrekin Podemos-IU taldeak. Besteak beste,Espainiako Konstituzioaren erreforma bat eta estatuaren «izaera federala edo konfederala» babesteko eskatu ditu testuan. Batzar Nagusiak monarkiari buruzko erreferendum baten alde ager daitezen ere galdegin du.
Elkarrekin Podemos-IU taldeko batzarkide Arantxa Gonzalezek esan du «une egokia» dela Gipuzkoako ordezkari politikoek «modu demokratikoan» eman dezaten euren iritzia estatu buruaren funtzionalitateaz eta errege emerituaren aurkako ikerketa prozesuaz. Abenduan eztabaidatuko dute ebazpen proposamena.
EP-IUk Gipuzkoako Batzar Nagusiei eskatu die monarkia alboratzeko
Erreferendum baten aldeko proposamena aurkeztu du Elkarrekin Podemos-IUk. Monarkiari buruz iritzia emateko «une egokia» dela dio
Iruzkinak
Ez dago iruzkinik
Ordenatu
