Noiz sortua: 2019-09-17 00:30:00

Mendi ibilbidea

Oteitzoiana

Mendi apala izan arren, bere kokapen geografikoagatik inguruko talaiarik onenetako bat dela esan daiteke.
Oteitzoianako gandorrera igotzen.
Oteitzoianako gandorrera igotzen. MIKEL ARRIZABALAGA Tamaina handiagoan ikusi

Mikel Arrizabalaga -

2019ko irailak 17

Bertizarana udalerria Malerreka eskualdean kokatuta dago, eta hiru kontzeju (Narbarte, Oieregi eta Legasa) eta bost auzo ditu (Bertiz, Santalokadia, Tipulatze, Bertiz eta Zeberia). Gaurko ibilaldia Narbarten hasiko dugu, hango herri nagusian. Bidasoaren eskuinaldean kokatuta dagoen herri horretan, etxe tradizional ederrez gain, San Andres eliza ikus daiteke. Etxe horien artean, Erreparazea jauregia nabarmentzen da; Ingalaterrako Eduardo VII.ak atsedena hartzeko denboraldiak pasatzen zituen han. Baztan eta inguruko eskualdeetako inguruetan dauden etxerik gehienak inguruko mendietan dagoen harri gorria erabiliz eraiki zituzten, eta, ibilaldi hau burutuz gero, mendi horietako bat ezagutzeko aukera izango dugu: Oteitzoiana mendia, hain zuzen ere. Mendi apala izan arren, bere kokapen geografikoagatik inguruko talaiarik onenetako bat dela esan daiteke. Hara ailegatzeko biderik egokiena Narbarte eta Sunbilla lotzen dituen PR NA-106 ibilbide balizatua da, baina, guk, Narbartetik atera eta bertara itzultzeko, ibilbide zirkularra egingo dugu.

Narbarteko elizaren ondotik abiatu, errepidea gurutzatu, eta, iturria gure ezkerrera utziz, mendi aldera joko dugu. Larre zabal eta baserri bikainen artean erraz egingo dugu aurrera. Abeletxe baten ondora ailegatzean, bide leunak lekua utziko dio aldapari. Porlanezko bidetik altuera hartzen hasi eta berehala, ezkerretik doan lurrezko pista hartuko dugu. Aldapa bizia igo, eta, gertu, borda bat ikusiko dugu. Ibilaldi honetan, borda hondatu ugari ikusiko ditugu. Pista zabalari segituz, tarteka aldapa pikoak gainditu beharko ditugu.

Apez harria

Bidea leuntzen hasten denean, lehen aldiz ikusiko dugu Oteitzoianako gandor gorrixka. Bide erosoak pista zabal batera eramango gaitu, eta, bertatik aurrera eginez, ur depositu baten ondora helduko gara. Pista zabala utzi, eta, garo artean zabaltzen den xendatik, Meateko lepora igoko gara. Lepo horrek Meateko Kaskoa eta Oteitzoiana mendiak lotzen ditu, eta gertu dagoen arroka handi batek gorila baten antza duela diote, Apez harria izenez ezaguna. Aurrez aurre, tontorra ikusiko dugu, baina, bertaratzeko, garoz beteta egon ohi den magala zeharkatuko dugu, nabarmena den xendan zehar. Gandorrean dagoen igarobidera iristean, eskuinetik doan bidetik tontorra markatzen duen erpin geodesikoaren ondora iritsiko gara. Buzoian, Oteixon 685 m-Ulibeltzak Mendi Taldea 2014 jartzen du. Tontor hau talaia paregabea da inguruko mendiak eta horien magaletan barreiatzen diren herriak ikusteko.

Abiapuntura itzultzeko, etorritako bidetik atzera egingo dugu gandorrean dagoen igarobideraino. Bertatik jaisten jarraituko dugu, gandorraren paraleloan zuhaizti txiki batean dagoen borda baten ondora jaitsiz. Horren ondotik, xenda garbi bat hedatzen da, aurrez aurre ikusiko dugun beste borda bateraino. Bertara ailegatzeko, gertu dagoen lurrezko pista zabala hartu, eta irabazitako altuera erraz galduko dugu. Malda pikoa den lekuetan, porlanak hartzen du lurraren lekua, eta bertatik etxalde batera jaitsiko gara; Narbarteko etxeak ikusiko ditugu gertu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna