Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

AEBetako hauteskundeak. NEW YORKETIK

Gutxietsitakoa, presidente

Garikoitz Udabe -

2016ko azaroak 10

«Ez dugu Jay Z, Beyonce, Bon Jovi edo Lady Gagarik behar». Bere estilo propioa eta mezua nahikoa izan ditu Trumpek estatu batuarren gehiengoarengana iristeko. Hasieratik ikusi zen hauteskunde hauek ez zetozela betiko itxuran: Sandersek bere ideia ezkertiarrekin ilusioa sortu zuen jende askoren artean (batez ere gazteen artean). Trump, berriz, ustez hautagai batek bete behar dituen arau guztiak hautsiz, eskuineko jendea bereganatzen hasi zen.

Clintonek hartu zion aurrea Sandersi. Baina ez du lortu Sandersek babestutako askoren ilusioari neurri handi batean eustea.

Trump, berriz, inor gutxik hartu zuen serio. Pausoz pauso, arerioak bide bazterrean utzi zituen arte.

Estatu Batuetako azken 30 urteetako politikagintzarekin, herrialdea eramateko moduarekin nazka-nazka egindako herritarrak bereganatu ditu Trumpek. Zerbait desberdina, ezezaguna, inoiz ikusi gabekoa eskaini die hautagai errepublikanoak: langabezia tasa handiak dauden herritarrengana iritsi da, lana aginduz. Etxeko ekonomiaren hobekuntza iragarri die. Herrialde seguruago batean bizitzeko promesa egin die. Justizia denentzako berdina izango dela, korrupzioaren aurka egingo duela.

Hori dena nola egingo duen, ez dago garbi! Horixe izan baita kanpaina honetan gutxiegi egin dena: politikaz hitz egin.

Trumpen kanpaina misoginoa, arrazista, baztertzailea, narzisista izan da. Baina, nahiz eta askori ez gustatu izan gauzak nola esaten dituen, egin dizkien promesa askotan fedea izan dute, eta babestea erabaki dute. Uste baino boto gehiago jaso du latinoengandik eta emakumeengandik. Nahiz eta babesik handiena, azal zuriko hiritarrek (asko gizonezkoek) eman dioten. Ezkutuan zegoen boto isila azaleratzea lortu du.

Hillary-k berriz, inoizko baliabiderik handienak izan arren, ez du lortu gutxiengoekin Obamak lortutako babesa eskuratzea: afro-amerikarrena, kasurako. Eta aurreko urteetatik zekarren motxilak uste baino pisu handiagoa hartu dio.

Zatitutako bere alderdi barruan batura sortzen saiatuko da Trump orain. Senatua eta Ordezkarien Ganbera beren eskuetan daude (Obamaren ametsa Trumpen errealitate).

Herrialdea, ordea, bitan hautsita dagoela erakutsi dute hauteskunde hauek. Presidentearen eginbeharra behar luke hori batzea. Nago, kanpainan entzundakoekin, milioika hiritar daudela minduta eta oso kezkatuta. Gaur, miraria dirudi bi aldeak gerturatzeak. Trumpek, ordea, mirariak egiteko gaitasuna erakutsi du. Zain geratzea besterik ez zaigu geratzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Beharrezkoa da tratamenduen erabilera profilaktikoa sustatzea»

Gorka Berasategi Otamendi

Gizadiak «askotariko epidemiei» aurre egiteko prestatu behar du, Abdool Karimen iritziz. Nabarmendu du GIBaren eta COVID-19aren aurkako borrokak ezin direla gainditu desberdinkeriari aurre egin gabe.
 ©BERRIA

«Afganistango emakumeek rol eta inplikazio baliotsua zuten gizartean»

Igor Susaeta

Afganistandik alde egin behar izan zuen duela hiru hilabete pasa, bestela ziur baitago talibanek hil egingo zutela seguru. Nazioarteari eskatu dio ez ditzala gobernu gisa onartu, eta lagun dezala erresistentzia fronte nazionala eratzen.
Carles Puigdemont, joan den irailean, Bruselan, bilera batean. ©STEPHANIE LECOCQ / EFE

Puigdemont ezin dela atxilotua izan berretsi du Europako justiziak

Igor Susaeta

Europako Batasuneko Auzitegi Orokorrarentzat, indargabetuta daude Kataluniako presidente ohi, Comin eta Ponsatiren aurkako euroaginduak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.