Albistea entzun

Koronabirusa

Hegoaldeko ZIUetan 88 paziente dira birusarekin eri

Uxue Rey Gorraiz -

2021eko ekainak 11

Gero eta bistakoagoa da joera: izurritearen laugarren olatuak indarra galdu izanak zuzeneko eragina izan du ospitaleen egoeran, eta birusak gero eta ohe gutxiago ditu hartuak Hegoaldeko zentroetan. Nafarroako Gobernuak eta Eusko Jaurlaritzak emandako azken datuen arabera, guztira 218 lagun dira COVID-19arekin ospitaleraturik. Aldagai horri dagokionez, azken asteotan nabarmen malkartsua izan da beheranzko malda: maiatzaren 10ean 677 pertsona ziren erietxeraturik, hau da, paziente kopurua gaur egungoaren hirukoitza zen joan den hilabetean.

Gainera, ZIU zainketa intentsiboetako unitateetan direnen zenbatekoak ere beheraka segitzen du, ia etenik gabe: Hegoaldean 88 gaixo dira unitate horietan gaitzarekin. Hain zuzen ere, beste mugarri bat erdietsi da: abuztu hasieratik, kopurua ez da inoiz izan 90etik behitikoa; atzo arte. Konparazio batera, ZIUetan ere aski handia izan da apaltzea: maiatzaren 10ean 198 eri ziren horietan.

Halaber, azken datuen arabera, herenegun 24 lagun ospitaleratu zituzten COVID-19aren sintomak larriagotuta; Osakidetzaren ardurapeko zentroetan sartu zituzten horiek guztiak; izan ere, Nafarroan ez zen izan birusari loturiko ospitaleratzerik. Bestalde, azken hamalau egunetako datuak oinarri, Hegoaldean eguneko 32 lagun erietxeratu dituzte batez beste.

Apalago, mantso bada ere

Gaitzaren transmisioari dagokionez, kutsatzearen barealdia ez da eten; Hegoaldean egindako azterketen emaitzei so, bilakaera onbidean da oraindik ere. Herenegun 287 COVID-19 kasu atzeman ziren, Osakidetzak eta Osasunbideak birusa detektatzeko 9.302 diagnostiko proba egin ondotik. Horiek horrela, zehazki, asteazkenean egindako test guztien %3,1ek eman zuten positibo.

Zehazki, herenegun Hegoaldean detektatutako kutsatuen datuak lurraldez lurralde aztertuta, Bizkaian izan zen positibo gehien: 134 izan ziren, zehazki. Gainera, Gipuzkoan 76 kasu atzeman zituzten; Nafarroan, 49 zenbatu ziren, eta Araban, berriz, 25.

Hegoaldeko osasun sistemek egunetik egunera emandako datuez gainera, pandemiaren bilakaera ikusteko argigarri da Hegoaldeko herrialde bakoitzeko intzidentzia tasa metatuei so egitea. Gaur egun, lau lurraldeenak dira 200dik beherakoak. Zehazki, Gipuzkoan 100.000 biztanleko 186 pertsonari atzeman diete gaitza azken hamalau egunetan. Bizkaia da atzetik, koska bat beherago: tasa 184 da herrialde horretan. Araban, 152 da. Maiatzaren 29tik aitzina, Nafarroak du daturik txikiena aldagai horretan: Osasunbideak 100.00 biztanleko 127 herritarri detektatu die COVID-19a azken bi asteetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar bat txertoa jartzen, Baionako txertaketa gunean. ©Guillaume Fauveau

Hego Euskal Herriko herritarrak Ipar Euskal Herrian txertatzeko irizpideak zehaztu dituzte

Berria

Iparraldean bizi behar da bertan txertoa hartzeko. Halere, lehen dosia Iparraldean hartu duten Hego Euskal Herritarrek bigarren dosia hartzen ahalko dute leku berean.

Euskarazko hezkuntzaren aldeko elkarretaratzea Nafarroako Parlamentuaren aurrean ©Idoia Zabaleta / FOKU

Euskaraz ikasi nahi dutela aldarrikatzeko, dozenaka lagun bildu dira Nafarroako Parlamentuaren aurrean

Olaia L. Garaialde

Uztailaren 2an Baluarte plazatik abiatuko den manifestazioan parte hartzeko deia egin dute LAB, Steilas eta ELA sindikatuek.

Heriotza duinaren lorratzetan

«Eskubideei buruz ari gara eutanasiaren gaiaz mintzo garenean»

Berria

Eutanasiari buruzko ikus-entzunezko berezi bat egin du BERRIAk: 'Heriotza duinaren lorratzetan'. Eutanasiari berari eta legeari buruz hitz egiten du, hiru elkarrizketaturen ahotik.

Zarauzko hondartza olatu handiekin. ©Andoni Canellada/ FOKU

Bizkaiko eta Gipuzkoako kostaldea itsas mailaren igoerara egokitu nahi dute

Iñaki Agirre Perez

Klima aldaketak Hegoaldeko itsasertzean izan ditzakeen ondorioei aurre egiteko plan bat garatzen ari da Jaurlaritza, 2100erako itsas maila 80 zentimetro igo daitekeela aurreikusita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna