Legebiltzarra, software askea sustatzearen aurka
Eusko Legebiltzarrak atzera bota zuen atzo EH Bilduk eta Elkarrekin Podemos-IUk ikasgeletan software eta hardware askea «sustatzeko» proposatu zuten egitasmoa. Horren ordez, EAJren eta PSE-EEren zuzenketa bat onartu zuen, «ikastetxeen alfabetizazio digital integralean aurrera egiteko». Lore Martinez EH Bilduko legebiltzarkideak salatu zuenez, ikastetxeak programa informatikoez hornitzen dituzten enpresa teknologiko handiek, batetik, erabiltzaileak txikitatik teknologien «menpeko» bihurtzen dituzte, eta, bestetik, haien datu pertsonalekin negozioa egiten dute. Aitor Urrutia EAJko legebiltzarkidearen arabera, ordea, software askeak «desabantailak» ditu hezkuntza sistemarako «oinarrizkoak» diren gai batzuetan.
Iruzkinak
Ez dago iruzkinik
Ordenatu