«Herriak anitz zor dio»

Raphael Lassallette Hendaiako (Lapurdi) auzapez ohia zendu da, 85 urterekin. 1981etik 2001era izan zuen auzapez kargua, alderdi sozialistarekin, eta Pirinio Atlantikoetako Kontseilu Nagusian ere eseri zen. Euskal Herriko gatazka armatuaren garai gogorrenetakoak bizi izan zituen auzapez zela, eta laguntza eskaini zien euskal iheslariei, haietako batzuen lagun bilakatzeraino. Herriko ikastola ere babestu zuen. Rafa ezizenez ezagutua zen.

Haren gizatasuna azpimarratu du Kotte Ezenarro Hendaiako auzapezak. «Kargu publikoetan zein adiskideen arteko topaketetan, bere konbentzitzeko indarraz eta bere elkarretaratzeko gaitasunaz oroituko gara. Herriak anitz zor dio».