Noiz sortua: 2018-09-01 00:30:00

Mauritanian ehun alderdi eta 500 zerrenda lehiatuko dira gaurko bozetan

Gobernuko alderdiak ez luke arazorik izan behar gehiengoa lortzeko. Senatua joan den urtean kendu zuten, erreferendumean erabaki legez
Mauritaniako presidentea kargua hartu berri, artxiboko irudi batean.
Mauritaniako presidentea kargua hartu berri, artxiboko irudi batean. STR / EFE Tamaina handiagoan ikusi

Itxaso Orbegozo Borda -

2018ko irailak 1

Gaur egingo dituzte hauteskundeak Mauritanian. Presidentetzarako hauteskundeak, hauteskunde nazionalak eta udal hauteskundeak; hiru bozetarako eman beharko dute botoa bozkatzera deituta dauden ia lau milioi mauritaniarrek. 98 alderdi aurkeztu dira, eta, guztira, 500 zerrenda baino gehiago. Hilaren 15ean egingo dute bozen bigarren itzulia.

Hainbeste alderdirekin, parlamenturako hauteskundeetan espero da norgehiagokarik gogorrena. Mauritaniak ganbera bakarra du joan den urtetik. Abuztuan erreferenduma egin zuten senatuaren etorkizuna erabakitzeko. Gehiengoak ezetz esan zion senatuari, eta ordutik konstituzioan jartzen du parlamentua dela ganbera bakarra. Haren lekua probintziaka aukeratutako batzordeek betetzen dute egun.

Aurreko legegintzaldiko emaitzetan oinarrituta, alderdi hauek ibiliko dira bozkatuenak izateko lehian: gobernuko UPR Errepublikaren aldeko Batasuna, oposizioko RFD Indar Demokratikoen Berrelkarketa eta Tawasul alderdi islamikoa. Azken asteetan hango hedabideek aurreikusitakoari erreparatuta, gobernuko alderdiak ez luke arazorik izan behar gehiengoa lortzeko. Alderdi islamikoa bigarren indarra da parlamentuan, RFDk boikota egin baitzien parlamenturako bozei 2013an, aurreko legegintzaldian.

Mohamed uld Abdel Aziz Mauritaniako presidenteak «erradikala» izatea leporatu zion alderdi islamiarrari asteazkenean. Hauteskunde kanpaina osoan espresuki aholkatu zuen ez bozkatzeko Biram uld Dah esklabotzaren aurkako liderraren alderdiari. Aurkari izango du Biram datorren urteko presidentetzarako hauteskundeetan, baina orain espetxean dago, «gorrotoaren aldeko mezua» zabaltzeagatik. Presidentearen alderdien aurkariek uste dute Abdel Aziz ahal duen guztia egiten ari dela parlamentuan gehiengoa lortzeko. Izan ere, hartara lege bat onartu ahal izango luke datorren urtean berriz presidente izateko aurkezteko.

Presidente birritan

Abdel Aziz Mauritaniako presidente da 2009tik. 2008ko estatu kolpearen ondotik, azken bi hauteskundeak irabazi zituen, 2009koak eta 2014koak. Mauritaniako Konstituzioaren arabera, pertsona berak ezin du presidente izan hiru aldiz jarraian; beraz, ezingo da aurkeztu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordizian Barrena parkearen goiko aldean, osasun etxearen alboan jarri duten gunea. / ©Jon Ruiz

Arratsalderako jakingo dute Ordizian kutsatze komunitario bat izan den

Jon Ordoñez Garmendia

Ekainaren 27az geroztik Etxezarreta kaleko ostatuetan ibili direnei PCR probak egiteko eskatu die Osakidetzak, badaezpada, eta ilara luzea sortu da horretarako jarritako gunean. Bertan behera utzi dituzte gaur hastekoak ziren udalekuak. Hori kontuan hartuta, ekainean zortzi foku sortu dira Euskal Herrian.

Guardia Zibila Asturiastik (Espainia) Ribadeora (Galizia) doan errepidea ixten. / ©Elieo Trigo, EFE

Galizian, A Mariña bailara itxi dute hainbat positibo atzeman ondoren

Arantxa Elizegi Egilegor

Xuntak ez du baztertzen bost eguneko berrogeialdia luzatzeko aukera. Azken astean ehun kasu berri baieztatu dituzte.

PCR proba bat egiten, Zarautzen. / ©Gorka Rubio, Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna