Gasteizko Frai Zacarias kalean hasiko da gaueko bisitak eskaintzen duen bidaia, Alde Zaharrean; hain zuzen ere, bisitariek Villa Suso jauregiaren lorategian dagoen harresiaren zati bat ikusteko aukera izango dute. Hortik, Eskoriatza Eskibel jauregiaren atzealdera joango dira, zutik dirauen harresiaren beste atal bat ezagutzera. Bidaiari amaiera, berriz, proiekzio batekin emango diote.
Vitoria-Gasteizen jatorria du izena bideoak, eta IX. mendetik XII. mendera arte hiriak izandako garapena du oinarri. Interesa duen ororentzako ikus-entzunezkoa ikusgai dago catedralvitoria.eus webgunean.
Harresira egiten diren gaueko bisitak, soilik, uztailean eta abuztuan egiten dituzte, ostiral eta larunbatetan. Hala ere, urte osoanbada hura ezagutzeko aukera; izan ere, eguneko bisitak egiten dituzte. Gainera, Santa Maria katedrala ezagutzeko aukera ere bada horietan, gauekoetan ez bezala.
Bi bisitak gazteleraz eta euskaraz eskaintzen dira, eta bisitariek bost euro ordaindu behar dituzte parte hartu ahal izateko. Hala ere, badaude prezio murriztuak.
Gasteizko harresirako bisita
Gaur eta bihar, 22:00etan, Gasteizen.
