Gaur izango dira jarduerak, 11:30ean hasi eta 21:30 bitartean. Goizean, elizkizun bat egingo dute, eta, 21:30 iristean, argiak itzaliko dituzte, eta abesbatzen emanaldia egingo dute.
Horiekin batera, urteurreneko desfilea, Bretxako erasoaren antzezpena eta suntsipenaren antzezpena izango dira jarduera nagusiak. Argiak itzaltzea eta abesbatzen emanaldia Abuztuaren 31 kalean izango dira; hain justu, 1813. urtean tropek erre ez zuten kale bakarrean.
Isildutako sarraskia
Aurtengo berrikuntzen artean izango dira tropa ingelesen sarbidea irudikatzeko harresi bat eta 1813an tropa aliatuek aginduak emateko erabili zuten turuta bat.
Donostia Sutan 1813 taldeak ere ekintza ugari antolatu ditu gertakari hura oroitzeko. Esanguratsuena: azken urteetan urtez urte egin duten antzerki ibiltaria. 1813, isildutako sarraskia du izena antzerkiak, eta sarraskiaren biktima izan ziren herritarren testigantzak jasotzen ditu. Hala, Parte Zaharreko kaleak berrogei bat antzezleren agertoki bilakatuko dira gaur, 20:30ean. Bretxatik irtengo da, eta Plaza Berrian egingo dute amaierako ekitaldia.
Halaber, zuzi martxa ere egingo dute irailaren 6an, tropa frantsesek Donostiatik irten zirenean egin zuten desfile militarra oroitzeko asmoz.
Abuztuak 31 gogoan
Gaur, egun osoz, Donostian.
