Porpol antzerki taldeak sortu zuen udako iluntzeak komedia antzerkiz betetzeko egitasmoa, 1994. urtean. Antolaketa Araiako antzerki taldeak egiten du, eta saioak euskaraz, gaztelaniaz eta keinu hizkuntzaz izan ohi dira.
Aurtengo aldia bihartik igandera bitartean egingo da, eta Arrazpi Berri kiroldegian egingo dituzte ikuskizun gehienak. Txalo Produkzioak-en Zoaz Pake Santuan izango da emanaldietako bat, euskaraz egingo den bakarra. Bikote harreman aspergarri bati umorez heltzen dio antzerkiak.
Araia-Asparrena izan arren jaialdiaren erdigunea, Arabako beste hemeretzi herritara ere zabaltzen da jaialdia. Emanaldiak abuztuaren 7an hasi ziren, eta 23ra arte luzatuko dira. Malas Compañias taldearen Prozak eta Compañia Trotamundosen Historias de un Baul izango dira gehien errepikatzen diren saioetako bi.
Gainerako aldietan jaso duten erantzuna jaso nahi dute berriro ere antolatzaileek, Araiako eta kanpoko jende asko joan izan baita.
