Proposamenak

Otsagabia gibelera begira

Orhipean jaialdia ospatuko dute bihar Otsagabian. Herritarrek antolatzen dute, eta 1900. urteko bizimodua aurkezten du egun batez. Ingurutxoa estreinatuko dute aurten
JAGOBA MANTEROLA / @FOKU

Iker Tubia -

2019ko abuztuak 30
Denbora makinarik asmatzen ez den bitartean, iraganera itzuli nahi duena Otsagabia herrira joan daiteke (Nafarroa). Bihar, Orhipean jaialdia ospatuko dute, herritarrek bultzatutako egitasmo bat. Harrizko karriketan barna ibiltzen direnek 1900. urtera eginen dute salto. Izan ere, otsagabiarrek garai hartako bizimodua antzezten dute egun batez.

Antzezpena ez da gune batean bakarrik egiten; Orhipean besta herri osora zabaltzen da. Hala, garai batean eskola, eliza, negozioak eta karrikako bizimodua nolakoak ziren ezagutzeko parada izanen da. Jantzi tradizionalak soinean ariko dira artilea kardatzen, zuri-beltzeko argazkiak egiten edota errekan arropak garbitzen. Ezkila jotzeak iragarriko du besta abiatu dela, 09:30ean. Ondoren, denak martxan jarriko dira: bizargina, iruleak, zapataria, garbitzaileak, medikua, irakaslea... 11:00etan, ogi mamiak banatuko dituzte, eta, ordu erdiren buruan, garia joko dute larrainean.

Dantza berri bat

Arratsaldez ere ikusten ahalko dira ofizio zaharrak, baina, batik bat, dantzatzeko tenorea izanen da. 19:30ean, Otsagabiko ingurutxoa aurkeztuko dute, Blankoa plazan. Ondoren, makil dantzak eginen dituzte Atharratzeko (Zuberoa) eta Otsagabiko dantzariek, eta, eguna bukatzeko, dantzaldia izanen dute.

Orhipean



Bihar, egun osoz, Otsagabian (Nafarroa).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna