Damen Baterian kokatutako udako liburutegia da eremu horietako bat. 11:00etatik 13:30era eta 17:00etatik 20:00etara egongo da zabalik, egunero, eta, astelehen eta ostegunetan, irakurraldi, txotxongilo antzerki eta ikuskizunak emango dituzte.
Bigarren eremua gobernadorearen Baterian kokatutako natur txokoa da. 11:00etatik 13:30era eta 17:00etatik 20:00etara egongo da zabalik, egunero, eta han egingo diren jarduerek naturarekiko lotura izango dute ardatz. Astearte eta asteazkenetan egingo dituzte ekintzak, eta, irakurketarekin lotutako jarduerez gainera, jolasak ere izango dira.
Historiaren etxea da azken eremua, Motako gazteluan dagoena. 11:00etatik 20:00etara bitartean egongo da irekita, egunero, eta, tarte horretan, aukera izango dahan dagoen Donostiari begira erakusketa ikusteko. Astero proposatutako tailer, jolas eta irteerak ostiral arratsaldean izango dira, 18:00etatik 20:00etara.
Jarduera guztiak euskarazeta doan izango dira; 18:00etan hasiko dira, eta sarrera librea izango da lekuak betetzen diren arte. Dbusek autobus zerbitzua eskainiko du, eta ordu erdian behin igoko dira autobusak Urgullera.
Haurrentzako aisia eta kultura jarduerak
Uztail eta abuztuan, Donostiako Urgullen.
