'KENNEDY'

Kennedy gure laguna zan,
anai bat bezela.
Azkatasunaren Kennedy,
zergaitik zaude hila?

Kennedyk ez du hitz egingo,
lurpean dago ta,
bost zulo dauzka gorputzean
gaixtoaren pozgarri.

Bakoitzak hil du
gurea dan Kennedy,
azkatasuna
maite zuan Kennedy.

Harlington, azkeneko etxean,
bi gorputz gazteak,
John ta Robert, bere izenak.
Zergaitik daude hilak?

Ikarez esango det nik hau,
ez inor harritu:
politikan gizon guztiak,
ez gizon politikan.

'ERLAK BIKOTEA'
(Cinsa, 1969)
Hitzak: Joseba Gotzon Legorburu Salaberria.
Ahotsak: Benantxi Eizagirre, Lourdes Agirregomezkorta.