Jimmy Barnatan & The Cocooners taldeak emango dio hasierajaialdiari, bihar, Aguraingo Santa Maria plazan. Laukote horrek soinu estatubatuarrak biltzen ditu. Louis Armstrong eta Ella Fitzgerald dira taldearen erreferenteetako batzuk, eta jazz, rock eta blues estiloak ere uztartzen ditu.
Hurrengo asteburuan bi kontzertu izango dira: ostiralean, uztailaren 12an, Moikave taldeak Bi Hodiko Iturrian joko du. Uztailaren 14an, berriz, Blueroomess taldea arituko da San Juan plazan, 13:30ean.
Jazza berreskuratuz
Euskal taldeak arituko dira hirugarren asteburuan. Uztailaren 19an Infraganti Band taldeak emango du kontzertua, Sagarmin plazan. Biharamunean, River Oaksdistrict Band taldeari egokituko zaio; duela berrogei urteko rock klasiko eta blues estiloak entzuteko aukera egongo da Dulantzi plazan.
Jazzherrian jaialdiari amaiera emateko, uztailaren 27an The Binilos taldeak astinduko ditu musika tresnak, Euskal Herria plazan. Xabigune Kultur Music Elkarteak antolatutako egitasmoa 2014an sortu zen, eta seigarrenez egingo dute aurten. Jazz klasikoa berreskuratzen aritu dira ordutik, eta asmo berarekin antolatu dute aurtengoan ere.
Jazzherrian
Uztaileko asteburuetan, Agurainen (Araba).