Albistea entzun

ATZEKOZ AURRERA

Kuba zati bat Bilbo erdian

Kubaren errealitatea gerturatzeko eta herrialdeari elkartasuna adierazteko eguna egin dute Bilbon. Kubako ordezkaritza bat egon da, eta konstituzioa berritzeko prozesua azaldu dute.
Erakusmahaiak jarrita egon ziren atzo Bilboko Arriaga antzokiaren ondoan, Kuba egunean.
Erakusmahaiak jarrita egon ziren atzo Bilboko Arriaga antzokiaren ondoan, Kuba egunean. MONIKA DEL VALLE / FOKU Tamaina handiagoan ikusi

Lander Muñagorri Garmendia -

2018ko abenduak 16 - Bilbo

Ez da erraza pilotari jotzea, egia esan», esan zuen Leihor Muñuzek, hainbat saiakera egin ondoren. Txikitan, ikastetxean jokatzeko aukera izan zuen lehenagotik, baina askoz gehiagorik ez. Euskal Herrian gutxi egiten bada ere, beisbola kirol nagusia da Kuban. Horretan aritzeko esparru bat jarri zuten atzo, Bilboko Arriaga plaza inguruan, sarez inguratuta, pilotak itsasadarrera eror ez zitezen. Izan ere, Kuba eguna ospatu zuten atzo Bilbon, eta, besteak beste, uhartean jaun eta jabe den kirola gizarteratzea lortu zuten antolatzaileek.

Tropikoko herrialdearen zati txiki bat Bizkaiko hiriburura eraman nahi izan zuten atzo. Euskadi-Kuba elkarteak antolatu zuen ospakizuna, dagoeneko bigarren aldiz, eta Desembarco del Granma eta Sierra Maestra etorkin kubatarren elkarteekin batera aritu zen horretan.

Elkartasun gunea

Arriaga plaza inguruan jarritako karpan eta salmenta postuetan goizetik hasi zen mugimendua. Bozgorailuetatik Kubako musika jarrita zegoen bitartean, bikote bat erritmoari jarraituz dantzan egin nahian zebilen. Neskak mutilari pausoak nola eman behar diren erakusten zion.

Erakusmahaiak ere bazeuden Arriaga ondoko eremuan, denak ere Kubari lotutako salgaiekin. Rona eta azukrea zein preziotan zegoen galdezka ibili zen jendea, eta beste batzuk, iraultzari lotutako liburu edo dokumentalei begira. Hain zuzen, Kubarekiko elkartasuna zabaltzeko aukera baitzuen atzoko egunak. Hala azaldu zuen Jose Manzaneda Euskadi-Kuba elkarteko kideak: «Euskal Herrian Kubarekiko dagoen elkartasuna erakutsi nahi dugu, eta, bide batez, blokeoaren aurkako kanpaina hedatzeko baliatuko dugu eguna». Gaineratu zuen Kubako migratzaileentzat ere egun garrantzitsua dela, topagune ere badelako egitasmoa. Izan ere, aspaldi elkar ikusi gabekoentzako elkargunea ere izan zen ekitaldia.

Kubako iraultzaren inguruko hitzaldi bat eman zuten,uharteko errealitatea ezagutarazteko. «Askotan, iristen zaigun informazioa manipulatuta egon ohi da, eta ez dugu ondo jakiten zer gertatzen den han», esan zuen Ramon Bustamante kazetariak, hitzaldiaren aurkezpenean. Horregatik, errealitatea gerturatzeko lana egin zuten Mariela Castro diputatu kubatarrak, Mariela Pinza Argentinako mediku kubatarren koordinatzaileak eta Gustavo Machin Gomez Kubak Espainian duen enbaxadoreak. Kuban 2010etik eztabaidatzen ari diren konstituzio berriaren inguruan mintzatu ziren hizlariak. «100.000 batzar egin ditugu herritarrekin; prozesua oso parte hartzailea izaten ari da», esan zuen Machinek. «Aukeratu dugun sistema hobetzea da helburua, muinari eutsiz, kubatarren eguneroko bizitza hobetzeko helburuarekin».

Hitzaren, musikaren, dantzaren eta kirolaren bidez, Kubako errealitatea apur bat gehiago gerturatu zen horrela Bilbora, eta bere zati txiki bat hemen utzi zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Orein arrek orein emeak erakartzen dituzte orroekin eta adarrekin; adibidez, Gasteizko Salburua parkean. ©RAUL BOGAJO / FOKU

Orein arrak, norgehiagoka

Amaia Ramirez de Okariz Kortabarria

Oreinen marrualdiaz gozatzeko bisitak egiten dituzte Gasteizko Salburua parkean udazkena iristearekin batera. Animalia horien ugaltzea da aldi honetako helburu nagusia.
 ©OSKAR MATXIN EDESA / FOKU

«Grabatua beti erronka berriak planteatzen dituen diziplina bat da»

Amaia Igartua Aristondo

Unibertsitatean izan zuen grabatuaren teknikaren berri, eta, harrezkero, hura jorratu izan du gehien. 2010ean Bilbon La Taller gunea sortu zuenetik, dibulgatzailea da batez ere, sortzailea bainoago. «Orain, hori da nire proiektu artistikoa».
Kritika soziala egiten duen komedia bat. ©SERIESLAND

Umorezkoak, euskaraz ere bai

Urtzi Urkizu

Seriesland nazioarteko jaialdia bihar hasiko da, Bilbon. Lau websail euskaraz ikusi ahalko dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.