Pentsioak eguneratuko direla baieztatu du

Escriva ministroak baieztatu du pilaturiko KPIaren arabera eguneratuko direla pentsioak hurrengo urtarrilean. «Izan beharreko igoera izango da», aurreratu du. Bide batez, Pedro Sanchez Espainiako presidenteak iragan astean esanikoak berretsi ditu. Iaz geroztik, batez besteko KPIaren arabera eguneratzen dira pentsioak—aurreko urteko abendutik azarora arteko datuen batezbestekoa kalkulatzen da—, eta, abuztuko neurketaren ondoren, %8,6 da datu hori. Escrivaren ustez, urte amaierako datua ez da asko urrunduko egungotik. Abuztuko KPIa %10,4 izan zen, eta irailean antzeko datua espero da.