Albistea entzun

Indonesiako Lombok uharteko lurrikarak kalte «masiboak» eragin ditu

Gutxienez 98 pertsona hil dira, eta milaka herritar etxerik gabe geratu dira. Agintariek ohartarazi dute desagertuen bila ari direla uhartean
Gazte bat etxetik ondasunak ateratzen lurrikararen ostean, Lomboken, Indonesian.
Gazte bat etxetik ondasunak ateratzen lurrikararen ostean, Lomboken, Indonesian. STR / EFE Tamaina handiagoan ikusi

Itxaso Orbegozo Borda -

2018ko abuztuak 7

Ehun bat pertsona hil, eta berrehundik gora zauritu dira Indonesiako Lombok uhartean herenegun izandako lurrikaran. Richter eskalan 6,9 graduko lurrikara izan da. Milaka pertsona etxerik gabe geratu dira. Sutopo Purwo Nugroho BNPB Nazio Hondamendiak Arintzeko Agentziako bozeramaileak esan du uhartearen iparraldean kalte «masiboak» izan dituztela. Azken urteetako lurrikararik gogorrena izan da. Lehen lurrikara handiaren ostean, zenbait lurrikara txikiago izan ziren. Armada eta erreskate taldeek desagertuen bila jarraitu zuten atzo.

Hondamendia igande ilunabarrean gertatu zen; Euskal Herrian eguerdia zela. Lombok uhartearen iparraldean izan zuen epizentroa lurrikarak, eta kalteak, uharte horretan ez ezik, inguruko irletan ere gertatu ziren, horien artean Balin. Izua berehala zabaldu zen Indonesian, tsunami arriskua zela eta, milaka pertsona hirietatik urrundu baitziren babesleku bila. Azkenean, ordea, ez zen tsunamirik izan. Indonesiako Metereologia Agentziak hamabost zentrimetroko olatuak erregistratu zituen kostaldeko hiru herritan, eta, horregatik, tsunami arriskua baztertu zuten.

Astebete lehenago, uztailaren 29an, beste lurrikara bat izan zen uhartean. Orduan, hamasei pertsona hil eta 350 zauritu ziren. Eraikin askotan izan zituzten kalteak, eta familia ugarik ihes egin behar izan dute etxetik. «Jendea kalera atera zen izuak jota, etxea gainera erortzeko beldur. Duela astebete, etxeek kalteak izan zituzten, eta kalteekin baina zutik jarraitzen zuten eraikinak erori egin dira bigarren lurrikararekin», nabarmendu du Nugrohok. Erreskate taldeek medikuak eraman dituzte kalterik handienak izan diren guneetara. Mataram uharteko hiririk handieneko ospitale nagusietan kalteak izan ziren, eta kalean artatu behar izan dituzte zaurituak. Datozen egunetan, armadak kanpalekuak eraikiko ditu etxetik alde egin dutenak babesteko.

Lombak turismo gune garrantzitsua da Indonesian, eta turistaz beteta egoten da urte sasoi honetan. Turistak beren herrialdeetara itzultzen hasi ziren atzo. Mataramgo aireportuan 24 orduz jarri dituzte hegaldiak, nahiz eta jende pilaketa handiak dauden oraindik. Baliko aireportuan kalteak izan zituzten, baina hegaldiak ez dira bertan behera gelditu.

Hondamendiak Pazifikoan

Munduan hondamendi natural gehien jasaten dituen herrialdeetako bat da Indonesia. Pazifikoko Suzko Eraztuna deitzen diote, plaka tektonikoek talka egiten duten lurraldea baita, eta ondorioz ohikoa baita sumendi eztandak eta lurrikarak gertatzea. 2004ko abenduan, lurrikara batek eragindako tsunamiak Asia hego-ekialdea astindu zuen, eta 230.000 pertsona hil zituen, horietatik 168.000 Indonesian.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Zero COVID neurrien aurkako manifestariak, bart, Pekinen. ©MARK R. CRISTINO / EFE

Milaka lagun kalera irten dira Txinan, Zero COVID politiken aurkako protestetan

Paulo Ostolaza

Herrialdeko hiri nagusietan izan dira protestak, tartean, Pekin hiriburuan. Urumqi hiriko sute batean hamar lagun hil izanak leherrarazi ditu manifestazioak.

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Peruko presidente Pedro Castillo (erdian), Ministroen Kontseilua berritu ostea, joan den ostiralean, Liman. ©EFE

Peruko Botere Judizialak Castillori eskatu dio estatuko erakundeak bilera batera dei ditzala, adostasuna lortzeko

Mikel O. Iribar

Gobernuaren eta Kongresuaren arteko tentsioa areagotu egin da azken egunotan; ganberak ezezkoa eman dio presidentearen konfiantza mozioari, eta Ministroen Kontseilua berritu behar izan dute.

Irango emakumeen aldeko protesta, Istanbulen (Turkia), iragan larunbatean. ©EFE / Erdem Sahin

Iranek ez du NBErekin kooperatuko protestetako errepresioa ikertzeko

Maddi Iztueta Olano

NBEk misio independente bat sortu du mobilizazioen aurkako errepresioa ikertzeko. Mahsa Aminiren hilketaren aurkako manifestazioetan 300 lagundik gora hil dituzte, eta 15.000 herritar atxilotu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.