Albistea entzun

Zaintza, oroimena eta borroka aldarrikatuko dituzte Martxoaren 3an

45 urte dira Poliziak Gasteizko San Frantzisko elizan bortz langile hil zituela. Omenaldi bat eta manifestazio bat antolatu dituzte sindikatuek
Sindikatuetako ordezkariak, atzo, Gasteizen, Martxoaren 3rako protestak iragartzeko agerraldian.
Sindikatuetako ordezkariak, atzo, Gasteizen, Martxoaren 3rako protestak iragartzeko agerraldian. LAB SINDIKATUA Tamaina handiagoan ikusi

Maddi Ane Txoperena Iribarren -

2021eko otsailak 25

1976ko martxoaren 3an, Poliziak tiroz hil zituen Pedro Martinez Ocio, Francisco Aznar, Romualdo Barroso, Jose Castillo eta Bienvenido Pereda langileak, Gasteizko Zaramaga auzoko San Frantzisko elizan izandako istiluetan. Langileek deituriko batzar bat egiten ari ziren elizan, eta, hura hutsarazteko, erantzun bortitza eman zuen Poliziak: bortz langile hil eta bertze ehunka zauritu zituen. 45 urte beteko dira aurten gertakari lazgarri haietatik, eta, gertaera oroitzeko, «zaintza, oroimena eta borroka» aldarrikatuko dituzte ELA, LAB, Steilas eta ESK sindikatuek: Zaindu gintuztelako, zainduko ditugu lelopean, omenaldi bat eta manifestazio bat eginen dituzte heldu den asteazkenean, Gasteizko Martxoaren Hiruaren plazan. 18:00etan eginen dute omenaldia, eta ordu erdi geroago eginen dute protesta, Gasteizko kaleetan barrena. LAB sindikatuak goizean ere eginen du ekitaldi bat, bere kabuz: 11:00etan bilduko dira, plaza berean.

Sindikatuek atzo goizean ekitaldien berri emateko egin zuten agerraldian azaldu zutenez, duela 45 urte gertaturikoaren memoria «bizirik» dago oraindik, eta belaunaldiz belaunaldi transmititu dira «justizia sozialaren, antifaxismoaren eta klase borrokaren» balioak, «frankistek irudi kolektibotik ezabatu» nahi izan bazituzten ere. Oroitzearen beharra azpimarratu dute sindikatuek, eta adierazi dute «45 urte geroago harrotasunez, ozen eta argi» erran daitekeela «borrokaren eta elkartasunaren idealak» ez direla «ezabatu». Haien hitzetan, urtero oroituko dute Martxoaren 3a Gasteizen, eta «une bakoitzeko borrokak erdigunean» jarriko dituzte gogoratzerakoan; sindikatuen iritziz, horixe baita egin daitekeen «omenaldirik onena».

Martxoaren 3rako hautaturiko leloarekin zaintza sistema publikoa aldarrikatu nahi dute sindikatuek, sektore prekarioa baita, eta, haien hitzetan, eremu pribatuan gelditzen dena: «Erdigunean jarri nahi dugu zerbitzu publiko hobeak garatzeko premia». Azpimarratu dute osasun langileen alorrean, zaintzan eta hezkuntzan dagoela behar hori, eta horietan diharduten langileen lan baldintzak hobetzea galdegin dute: «Hobekuntza horiek aldarrikatzen dituzte zerbitzuetako langileek ere, batez ere emakumeek, eta, askotan, emakume migratuek. Pandemiaren hasieratik ari dira borrokan, agerian gelditu baita azken hamarkadetan pairatu ditugun gobernu neoliberalen abandonua eta erantzukizun falta». Horiek denak izanen dituzte gogoan heldu den asteazkenean.

Memoria guneari kritika

Sindikatuek salatu dutenez, Zaramaga auzoko San Frantzisko elizan eraiki nahi duten memoria gunearen prozesua «aldebakarrekoa» izan da, eta ez dute kontuan hartu Euskal Herriko gehiengo sindikalaren parte hartzea: «Propaganda politikoko ekintza bat dela uste dugu, prozesu horretan parte hartu duten administrazioak berak baitira langileen eskubideak egunerokoan gaitzesten dituztenak».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Milaka lagun elkartu ziren atzo Donostian egindako manifestazioan. ©JON URBE / FOKU

Milaka urrats «etxera bidean»

Maddi Ane Txoperena Iribarren

Euskal presoak Euskal Herrira ekartzea, «bizi osorako» zigorrak etetea eta gradu progresioei bide ematea galdegin dute Donostian. Urtarrilaren 8an berriro kalera ateratzeko deia egin du Sarek
Grande-Marlaska, artxiboko irudi batean. ©Javier Lizon / EFE

Grande-Marlaska: «Ezker abertzaleak ongietorriak saihestu behar ditu»

Paulo Ostolaza

El País egunkariak Espainiako Barne Ministroari egindako elkarrizketa argitaratu du. Esan du euskal presoen sakabanaketak jada ez duela zentzurik, eta EH Bilduk eta Sortuk egindako adierazpena ez dela nahikoa.

Maria Txibite, PSNren buru gisa berretsi dutenean, Iruñean. ©IÑIGO URIZ / FOKU

Maria Txibite PSNko idazkari nagusi izendatu dute berriro ere

Gotzon Hermosilla

Botoen %97,22 eskuratu ditu alderdiaren XII. batzarrean. Txibiteren ustez, PSN beharrezkoa da «Nafarroak aurrera egiten jarrai dezan»

Laba, "Oso latza izan da" solasaldia

Gatazka kontatzeko moduaren inguruko mahai ingurua, BERRIAn

Joxerra Senar

Samara Velte eta Maider Galardi ikerlariek, Emilio Majuelo historialariak eta Emilio Lopez Adan 'Beltza'-k hitzaldia eskaini dute transmisioaz, memoria inklusiboaz eta metodologiaz, besteak beste. Labak antolatutako lehen ekitaldia izan da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.