Etorkizuneko pentsio sistemari buruzko eztabaidan esku hartu du Espainiako Bankuak ere. Gaur egungo banaketa sistema alde batera utzi eta kontu nozionalen eredua ezartzea «interesgarria» izango litzatekeela esan zuen atzo Espainiako Bankuko Ekonomiazuzendari nagusiak, Roberto Arcek. «Sistema aurrez ikusteko modukoa eta gardena egingo luke, eta herritarrei aukera emango lieke aurrezkiari buruzko erabakiak garaiz egiteko». Biztanleria zahartzeak gaur egungo sistema jasanezina egiten duela uste du Arcek.
Kontu nozionala izenekoa kapitalizazio sistema bat da: norberak jartzen duen dirua soilik jasoko du. Inflazioaren galera ezabatzeko edo txikitzeko, urtero kontuan dagoena eguneratuko litzateke, aurretik finkatutako irizpide baten arabera (inflazioa bera, BPGaren bilakaera, soldatak...).
Sistema hori indarrean dago dagoeneko herrialde batzuetan, hala nola Suedian, Polonian eta Letonian. Emmanuel Macron Frantziako presidentea ere kontu nozionaletan oinarritutako sistema bat aztertzen ari da pentsioetan egin nahi duen erreformarako.
692.000 pentsiodun
Hain zuzen ere, azken urtean %7,4 igo da pentsioetan gastatutakoa Hego Euskal Herrian. Iazko urtarrilean 776 milioi euro gastatu zituen Gizarte Segurantzak, eta kopuru hori 834 milioira igo da aurtengo urtarrilean. Pentsioak KPIaren arabera igotzea, gutxieneko pentsioak %3 handitzea eta alargunen kotizazio oinarriak %60ra zabaltzeak eragina izan dute igoera horretan, baina baita pentsio kopuruaren ugaltzea ere.Hegoaldean jada 692.099 dira (+%5,8, urtebetean). Batez besteko pentsioa 1.205 euro da (iaz, 1.138 milioi izan ziren). Hiru pentsiotik bi erretirokoak dira (1.370 euro, batez beste).
Pentsioetarako kontu nozionalak defendatu ditu Espainiako Bankuak
Kotizatutakoa soilik jasotzea dakarte kontu nozionalek. Macronek ere aztertu ditu. Pentsioen gastua %7,4 handitu da azken urtean
Iruzkinak
Ez dago iruzkinik
Ordenatu