Soberakinik gabe, muinera

Eraso taldeak bere zazpigarren diskoa kaleratu du, 'Inoren lurretan', sei kantuz osatutakoa
Eraso taldeko kideak, aurreko astean, Donostian egindako aurkezpenean.
Eraso taldeko kideak, aurreko astean, Donostian egindako aurkezpenean. JUAN CARLOS RUIZ / FOKU Tamaina handiagoan ikusi

Mikel Lizarralde -

2018ko urriak 25

Musika entzuteko moduek azkeneko urteetan izan duten aldaketei erantzuten ahalegindu da Eraso taldea Inoren lurretan bere disko berrian. LP baten neurriei muzin eginez, sei kantu besterik ez dituzte bildu diskoan. «Aurreko lanarekin [Kaiolatik ihes, 2016] egiteko asmoa genuen, baina azkenean ohiko disko bat izan zen. Oraingoan, ordea, bai. Kontsumoa aldatu egin da, disko osoak entzutea gero eta zailagoa da, eta, gainera, guretzat ere lan gutxiago da». Sergio Ruiz Gonzalez Txabarri kantari eta gitarristak uste du, gainera, disko labur bat egiteak freskotasuna ematen diola emaitzari. «Erakusten duzu bizkarrezurra; ez sobera dagoena. Interesgarria da hori».

Talde beteranoa da Eraso, eta bi hamarkada egin behar da atzera taldearen lehen lanak denboran kokatzeko. 1996an atera zuten lehen demoa (Guztiaren arabera), eta jarraian iritsi ziren Gaua maketa (1997), Erantzunik gabe (Mil a Gritos, 1999), Oraina eta geroa (Mil a Gritos, 2001), Grisez bustitako egunak (Metak, 2003) eta Kontra (Metak, 2005). Gero, eten baten ondoren, 2012an itzuli eta beste hiru lan argitaratu dituzte: Ez gara inoiz hilko (Bonberenea Ekintzak, 2012), Kaiolatik ihes (Bonberenea Ekintzak, 2016) eta Inoren lurretan berria.

Metalaren eremutik datozen arren, etiketa txiki gelditzen zaie, eta azkeneko diskoa bera ere, kolore ugariz jantzia dagoela diote. «Errusiar mendi baten antzekoa da». Irudi horrek adierazten ditu diskoaren erritmo aldaketak. «Ziur aski, inoiz egin dugun kanturik gogorrena dago hemen, eta baita lasaiena ere. Hemen parada dago denerako. Hortik dator izenburua bera ere: Inoren lurretan». Izan ere, «80ko hamarkadako semeak» dira, eta hori nabaritu egiten da musikan ere. «Leku askotatik edaten dugu. Azken batean, hori dena gara».

Ekoizpenaren pisua

Diskoa ekainean eta uztailean grabatu zuten Zestoako (Gipuzkoa) Gaztain estudioan, Eñaut Gaztañagarekin. Hain zuzen ere, Gaztañaga teknikari hutsa baino gehiago, ekoizlea izan dela adierazi dute taldekideek. «Kantuak landuak genituen, baina soinua aldatu nahi genuen, rockeroago bilakatu. Argi genuen zer egin nahi genuen, eta horretara hurbildu gara pentsatu baino gehiago».

Aurreko lanak baino gehiago landu dute Inoren lurretan, eta ñabardurak zaintzeko aukera ere izan dute, «produkzio landuagoa» egiteko bidean. «Gordina da diskoa, baina detaileak ere oso inportanteak dira. Eñautekin aukera izan dugu hori guztia gehiago zaintzeko». Horrek eramaten du taldea mutur batetik bestera, iluntasunetik argitasunera oso denbora laburrean. «Gainera, laburra da diskoa, eta erritmoa jartzen dizu bihotzean. Berriro entzuteko gogoa ematen dizu».

2012an bere bigarren garaiari heldu zion Erasok, eta azkeneko bi lanetan taldea sendotu egin dela uste dute kideek. «Oso animatuta eta indarberrituta gaude. Gauzak martxan jarri eta konturatzeko, taldea bera sartu da martxa horretan. Gogotsu eta prest gaude».

Mil a Gritos eta Metak diskoetxeek kaleratu zituzten taldearen lehenengo diskoak, eta Bonberenea Ekintzak-en zigilupean atera ziren azken-aurreko biak. Oraingoan, berriz, taldeak berak kaleratu du diskoa. «Dena dela, azkeneko lanak ere guk geuk egin genituen. Azkenean, Bonberenea plataforma bat da, eta asko ikasi genuen haiekin, baina praktikan oso antzekoa izan da guk geuk kaleratzea diskoa. Ez diogu garrantzi handirik ematen horri»

Zuzenekoak, prest

Orain dela aste pare bat Bilbon aurkeztu zuten diskoa, baina hemendik aurrera ere kontzertu ugari izango dituzte. Hala, bihar bertan Tolosako (Gipuzkoa) Bonberenean bertan izango dira Niketz taldearekin, eta, gero, azaroan, beste hiru kontzertu dituzte lotuta: 10ean Ataunen (Gipuzkoa), 17an Barakaldon (Bizkaia), eta 23an Iruñean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko Erruki Etxea Nafarroako zahar etxe handiena da eta han pandemiak eragin handia izan du ©Iñigo Uriz

Zahar etxeen tamaina eta kokagunea faktore erabakigarriak izan dira COVID-19aren eraginean

Berria

Nafarroako Gizarte Errealitatearen Behatokiak lurraldeko 74 zahar etxeetan eta 14 menpekotasun zentroetan pandemiaren olatuak izandako ondorioak ikuskatu ditu txosten batean, eta hainbat gomendio eman dizkio gobernuari.

Erizain bat, PCR proba bat egiten. ©SALAS / EFE

Bigarren fasera itzultzea aztertzen ari dira Azkoienen

Ion Orzaiz

Azken lau egunetan ehundik gora positibo atzeman dituzte herrian, eta "ezohiko neurriak" ezarriko dituztela iragarri du alkateak

Familia batzuk kanpoaldetik egoiliarrak bisitatzen, Mutiloako zahar etxe batean. ©Jagoba Manterola, FOKU

Zahar etxeetako bisitak eta egoiliarren ateraldiak, malguago

Uxue Rey Gorraiz

Zaharren egoitzetarako protokolo berria onartu du Jaurlaritzak. Zabaldu eginen dira zahar etxeetara bisitak egiteko aukerak, eta egoiliarrek malgutasun handiagoa izanen dute ateraldiak egiteko. Osasun sailburuak azaldu duenez, “ikuspegi epidemiologikoa eta etikoa” hartu dira kontuan neurriak berrikusteko.

PCR probak, Donostia ospitalean. ©Idoia Zabaleta, FOKU

Ospitaleratzeek gora egin dute azken egunean

Uxue Rey Gorraiz

Beste 662 koronabirus kasu detektatu dituzte azken egunean Hegoaldean, eta 47 lagun ospitaleratu dituzte, aurreko egunean baino hamahiru gehiago. Bost pertsona hil dira, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna