Noiz sortua: 2020-05-19 00:30:00

BERRIA Aretoak gaur amaituko du bere bidea, lau saiorekin

Garazi Etxaburu eta Josu Eizagirreren dantza saioa, Ion Arruebarrena musikariarena, Jon Etxabe Arzuaga kantariarena eta Imanol Ituiño magoarena izango ditu azkenak

Garazi Etxaburu dantzaria gaur ariko da BERRIA Aretoan.
Garazi Etxaburu dantzaria gaur ariko da BERRIA Aretoan. JOSU EIZAGIRRE Tamaina handiagoan ikusi

Mikel Lizarralde -

2020ko maiatzak 19

Koronabirusak eragindako osasun krisiaren ondorioz, eta martxoaren 14an alarma egoera ezartzearekin batera, kultur ekitaldi guztiak bertan behera geratu ziren, eta Euskal Herriko kulturgileek emanaldiak antolatzeari utzi behar izan zioten. Ondorioz, sortzaileak plazarik gabe gelditu ziren. Egoera horretan, BERRIAk plaza bat zabaldu nahi izan zien: areto digital bat. Horrela, itxialdia hastearekin batera, dozenaka kulturgilek beren sorkuntza lanak zabaltzeko aukera izan zuten BERRIA Aretoan. Ordudanik 120tik gora saio eman dituzte aretoan, eta gaur izango dira azkenak: Garazi Etxaburu eta Josu Eizagirreren dantza saioa, eta Ion Arruebarrena saxo jotzailearena 10:00etan izango dira, eta Imanol Ituiño magoa eta Jon Etxabe Arzuaga kantaria, berriz, 18:00etan.

Sortzaile ezagunak eta ez hain ezagunak bildu ditu, hasieratik, BERRIA Aretoak, eta sormenaren alderdi ezberdinei ireki nahi izan die leihoa martxoaren 16 hartatik. Musika, antzerkia, dantza, zinema, bertsolaritza, magia, arte plastikoak, eskultura, literatura... kultur diziplina ugari egon dira ordezkatuak aretoan. Jon Basaguren (Izaki Gardenak) musikariak bere etxetik egindako emanaldia izan zen aurrenekoa, eta hurrengo egunean, 17an, Mikel Martinez aktoreak eta Anari kantariak parte hartu zuten BERRIA Aretoan.

Orduz geroztik, musikariak (Mursego, Gorka Knorr, Eñaut Elorrieta, Eneritz Furyak, Kokein, Birkit, Maite Larburu, Rolan Garces, Morau, Gorka Hermosa, Amorante, Petti, Aguxtin Alkhat, Xabi Sansebastian, Thierry Biskari, Aitor Etxebarria, Mikel Inun, Joseba Irazoki, Estitxu Pinatxo...), bertsolariak (Jone Uria, Anjel M. Peñagarikano, Alaia Martin, Maddi Ane Txoperena, Manex Agirre...), ilustratzaileak (Eider Eibar, 4 (h)ero...), idazleak (Unai Elorriaga, Kirmen Uribe, Leire Ugadi, Patxi Iturregi, Castillo Suarez, Karlos Linazasoro, John Andueza...), aktoreak (ATX Teatroko kideak, Ramon Agirre, Olatz Beobide), dantzariak (Garazi Etxaburu, Aiert Beobide), ipuin kontalariak (Ixabel Agirresarobe), zinemagileak (Josu EIzagirre) eta kultur diziplinak uztartu dituzten beste hainbat sortzaile igaro dira BERRIA Aretoaren leihotik. Gainera, BERRIA Aretoan sortu dira beste egitasmo batzuk ere. Esaterako, Txakur Gorria taldeak egindako saioa Hizteria kolektiboa liburuaren hazi bilakatu zen. Lan hori PDF formatuan eskuragai jarri zuen gero BERRIAk.

Badira, gainera, egitasmoan behin baino gehiagotan parte hartu duten sortzaileak: Bihozkada, Eider Eibar, Mikel Martinez, Nork ostu dit apirila?, Rolan Garces, Gorka Hermosa, Keu Agirretxea...

Guztira, 127 emanaldi bildu ditu BERRIA Aretoak, eta bideo horiek 109.000 ikustaldi baino gehiago izan dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Goierriko lau udaletako ordezkariak Osasun Sailarekin eta Segurtasun Sailarekin bilduta, atzo arratsaldean, Zumarragan. ©JUAN CARLOS RUIZ / FOKU

Konfinamendurik ez Ordizian, 35 kutsatu dauden arren

Jon Ordoñez Garmendia - Aloña Beraza Peña - Irati Urdalleta Lete

Osasun sailburuak baztertu egin du konfinamendua ezartzea eta joan-etorriak mugatzea. Ordiziako alkateak «transmisio komunitario bat» dela ziurtatu du, eta etxean geratzeko eskatu du.

Urkullu mitin batean, Zornotzan, ekainaren 27an. ©Jaizki Fontaneda / Foku

Urkulluk ez du Ordizian bozketak atzeratzeko asmorik

Igor Susaeta

Eusko Jaurlaritzako jarduneko lehendakariaren ustez, bozkatu ahal izateko baldintzak «guztiz» bermatuta daude.

Hainbat ikusle eta apostu artekari maskararekin, Masterseko partida batean, Iruñean. ©Idoia Zabaleta / FOKU

OMEk dio ezin dela baztertu koronabirusa airetik kutsatzea

Edu Lartzanguren

Baieztatuz gero, Osasunaren Mundu Erakundeak aldatu egingo lituzke leku itxietan ez kutsatzeko jarraibideak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna