Albistea entzun

Koronabirusa

Erabakia «nahitaez» betetzekoa dela azaldu dio Madrilek Urkulluri

Izurriaren kudeaketan «leialtasuna haustea» egotzi dio Jaurlaritzak Espainiako Gobernuari
Denis Itxaso, Markel Olano eta Iñigo Urkullu lehendakaria, atzo, VIVEbiotech bioteknologia enpresaren egoitza berriaren inagurazioan, Donostian.
Denis Itxaso, Markel Olano eta Iñigo Urkullu lehendakaria, atzo, VIVEbiotech bioteknologia enpresaren egoitza berriaren inagurazioan, Donostian. JUAN HERRERO/ EFE Tamaina handiagoan ikusi

Edurne Begiristain -

2021eko ekainak 5

Eusko Jaurlaritzaren eta Espainiako Gobernuaren arteko ika-mikak ez du baretzeko trazarik. Bi gobernuen arteko polemika asteazken iluntzean piztu zen, Eusko Jaurlaritzak uko egin ziolako Espainiako Lurralde Arteko Osasun Kontseiluak gaueko aisialdiari eta ostalaritzari lotuta adostutako neurriak betetzeari besteak beste, 150eko intzidentzia tasa gainditzen duten erkidegoetan tabernen barnealdea ixtea adostu zuten. Atzo, elkarri mokoka jarraitu zuten bi gobernuetako agintariek, eta koska bat gora egin zuen polemikak. Carolina Darias Espainiako Osasun ministroak abisua igorri zien neurriak betetzeari uko egin dioten erkidegoei, tartean Eusko Jaurlaritza bera: Lurralde Arteko Osasun Kontseiluan hartutako neurriak errespetatu ezean Espainiako Gobernuak «errespetarazi» egingo dituela esan zien. Haren hitzetan, «nahitaez» bete beharrekoa da han adostutakoa, eta, erkidegoek betetzen ez badute, «betearazi» egingo du gobernuak.

Iñigo Urkullu Jaurlaritzako lehendakariak zain zituen kazetariak atzo Donostian, VIVEbiotech bioteknologia enpresaren egoitza berriaren inaugurazioan, baina adierazpenik ez zuen egin polemikari buruz: «Esan beharreko guztia esanda dago». Herenegun, argi utzi zuen Jaurlaritzak Bizi Berri Planari eutsiko diola, eta, atzo, Bingen Zupiria Jaurlaritzako bozeramaileak berretsi egin zuen Jaurlaritzaren jarrera. Argitu zuen «desobedientzia» ez dela Urkulluren «estiloa», eta Jaurlaritzak beti «leial» jokatu duela Espainiako Gobernuarekin, baina izurriaren kudeaketan Madrilek leialtasuna «hautsi» duela: «Osasuna ezin daiteke aitzakia izan aldebiko harreman hori hankaz gora jartzeko alde bakar batek hala erabaki duelako».

Jaurlaritzako bazkide da PSE-EE, eta piztutako polemika apaltzen saiatu da azken orduetan. Iñigo Andueza Gipuzkoako PSEko buruak atzo adierazi zuen Jaurlaritzak beti jokatu duela «erantzukizunez» eta ez duela espero Urkulluk kontrako jarrera «muturreraino» eramatea. Hala ere, Anduezak gogoratu zuen Lurralde Arteko Kontseiluaren erabakiak bete egin behar direla.

Hala egingo du Nafarroako Gobernuak, Javier Remirez presidenteordeak baieztatu zuenez. Haren esanetan, foru gobernuaren bide orria «bateragarria» da Espainiako Gobernuak duenarekin, eta Nafarroak bere neurriekin uztartuta betearaziko du Madrilek hartutako erabakia.

Kongresuan eskaria

Ikusteko dago polemikak zer tamaina hartzen duen, baina gero eta gehiago dira Espainiako Gobernuaren erabakiaren aurka entzuten diren ahotsak. EH Bildu, ERC, Junts, PDeCAT, CUP eta BNGk Osasun ministroaren presazko agerraldia eskatu zuten atzo Kongresuan, Lurralde Arteko Osasun Kontseiluan hartutako neurrien inguruan azalpenak eman ditzan. Taldeek Osasun Ministerioaren «inposizioa» salatu zuten, bilera horretan hartutako osasun neurriak «aldebakarrez» onartu zirela iritzita. «Gobernu eta parlamentuetako erabaki demokratikoen aurkako eraso zuzena da», kritikatu zuten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Zenbait herritar Iruñeko txertaketa gunean, Nafarroako Unibertsitate Publikoko kiroldegian. ©JESUS DIGES / EFE

Hego Euskal Herriko biztanleen %35ek osatua dute txertaketa pauta

Uxue Rey Gorraiz - Oihana Teyseyre Koskarat

Osakidetza datorren astean hasiko da 40 urtetik beherakoak txertatzen. Hegoaldeko herritarrak Iparraldean txertatzeko irizpideak lauso dira

Euskararen erabilera %7 eta %52 artekoa da EHUko eremu ez-formaletan

Euskararen erabilera %7 eta %52 artekoa da EHUko eremu ez-formaletan

Berria

Soziolinguistika Klusterrak hamazazpi fakultatetan euskara zenbat erabiltzen den behatu du, Euskara Errektoreordetzak eskatuta

Claudia Venceslao eta Luis Maria Salgado, atzo, agerraldian. ©ENDIKA PORTILLO / FOKU

EH Bilduk arau bat ondu du egoitza pribatuetako baldintzak «duintzeko»

Edurne Begiristain

Arabako egoitza zentroak ituntzeko proposamena landu du. Eragile eta sindikatuei aurkeztuko die zirriborroa, irailean erregistratu aurretik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.