Albistea entzun

Bost urte arrastorik gabe

Duela bost urte desagertu zen Borja Lazaro gasteiztarra Kolonbian. Haren desagerpenaren gaineko ikerketa zabalik dagoen arren, urrats berririk ez dute egin. Elkarretaratzea egin dute.
Dozenaka lagun bildu ziren atzo Gasteizen, Borja Lazaro gogoratzeko.
Dozenaka lagun bildu ziren atzo Gasteizen, Borja Lazaro gogoratzeko. JAIZKI FONTANEDA / FOKU Tamaina handiagoan ikusi

Amaia Ramirez de Okariz Kortabarria -

2019ko urtarrilak 9

Bost urte bete dira Borja Lazaro desagertu zenetik. 2013ko urtarrilaren 7ko gauetik ez dago haren arrastorik; Kolonbian zegoen gasteiztarra, La Guajira penintsulako Cabo de la Vela herrian. 34 urte zituen orduan. Kolonbiako Poliziak hiru hipotesi aztertu zituen: bahiketa, itsasoan itotzea eta desertuan galtzea. Bilaketak egin arren, ez zuten Lazaroren aztarnarik aurkitu, eta inork ez zuen adierazi bahitua zuela. Espainiako Poliziako aditu talde bat ere bertan izan zen iaz, baina froga berririk aurkitu gabe itzuli ziren. Atzo elkarretaratzea egin zuten Gasteizen, Urrezko Zeledoien plazan. Hainbat erakundetako ordezkariek parte hartu zuten bilkuran.

«Ikerketak hasieran bezala jarraitzen du; ez dago desagerpenaren arrasto berririk», esan du Sergio Lazarok, desagertuaren anaiak. Etsipenez mintzatu da, jakinda bost urte ez direla alferrik igaro. Dena den, Kolonbiako Poliziak zabalik du oraindik kasua, eta azaldu du ikerketarekin aurrera jarraituko duela. Desagertuaren familiak aukera izan du Kolonbiako poliziaburuetako batekin elkartzeko eta kasuaren nondik norakoez hitz egiteko; Ertzaintza aritu zen bitartekari.

Espainiako Barne Ministerioarekin eta Kanpo Arazoetako Ministerioarekin ere bildu izan dira Madrilen. Espainiako Poliziak iaz Kolonbiara egindako bidaia lehenago egin ez izana deitoratu du Lazarok; izan ere, ez zuten berritasunik aurkitu. «Bidaia lehenago egin balitz, posible izan zitekeen agian zerbait gehiago ikertzea».

Ahaztu ez dezaten

Borja Lazaroren desagerpena ez ahazteko egin zuten elkarretaratzea atzo Gasteizen. Udalak ere parte hartu zuen, eta han izan zen Gorka Urtaran alkatea. «Zuzeneko harremana dugu berarekin, eta egin nahi dugun kontu denetan babesten gaitu; esaterako, iaz argazki erakusketa bat antolatzeko leku bat eskaini zigun», adierazi du Lazarok. Bilkuran izan zen, era berean, Eusko Jaurlaritzako Segurtasun sailburu Estefania Beltran de Heredia. Lazarok nabarmendu du presioa egiten jarraitu behar dutela, «kasua ahaztu ez dezaten».

Horrez gain, desagertuaren familiakoek eta lagunek azaldu dute borrokatzen jarraituko dutela: «Guztiok Borjari buruz hitz egiten dugun bitartean, ez da izango guztiz desagertutako pertsona bat».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Osasunbideko erietxe bat, Tuteran (Nafarroa). ©JAGOBA MANTEROLA / FOKU

Kutsatuen kopurua behera eta behera ari da Hegoaldean

Gotzon Hermosilla

Beste 365 positibo atzeman dituzte, bezperan baino 29 gutxiago. Kutsatutako gaixo bat hil da Nafarroan, 74 urteko gizonezko bat

 ©BERRIA

GEHIAGO ZABALDU DIRA ARRAKALAK

Amaia Ramirez de Okariz Kortabarria

Izurriteak eragin zuzena izan du emakumeen egunerokoan; hainbat eta hainbat aritu dira lan prekarioetan eta feminizatuetan, baldintza okerretan, eta zaintza lanak ere haien ardura izan dira. Eragileek egoeraz hausnartu beharra nabarmendu dute, zaintza sistema publiko baten aldarria helburu.
Erizain bat Galdakaoko ospitalean lanean. ©ANDONI LUBAKI / FOKU
Liburuxkaren aurkezpena, ostegunean, Pasaian. ©ANDONI CANELLADA / FOKU

Emakumeen ahotsei so

Jone Bastida Alzuru

'Baina zer ari zaigu gertatzen? Pasaiako emakumeak pandemiako bizipenak partekatzen' liburuxka argitaratu dute. Egileek diote prozesua «ahalduntzailea, askatzailea eta sendatzailea» izan dela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna