Artista eta diktadorea

Enrique Tenreiro sortzaileak pintaketa bat egin du Francoren hilobian, «askatasunaren eta espainiar guztien adiskidetzearen alde». Bideoa albistearen amaieran.

Enrique Terneira artistaren atzoko ekintzaren lau une.
Enrique Terneira artistaren atzoko ekintzaren lau une. BERRIA

Erredakzioa -

2018ko azaroak 1

Era guztietako erantzunak ari da jasotzen Francisco Franco diktadorearen gorpuzkiak Erorien Haraneko elizatik (El Escorial, Madril) ateratzeko Espainiako Gobernuak hartutako erabakia. Enrique Tenreiro artistarena izan da azkena. Atzo eguerdian, pintaketa bat egin zuen tenplu horretan dagoen diktadorearen hilobian: uso bat margotu zuen, eta Por la libertad (askatasunarengatik) idatzi, pintura gorri-laranjaz.

Haren hitzetan, «askatasunaren eta espainiar guztien adiskidetzearen aldeko» mezu bat ematea zuen xede. «Ez dut nahi garaiturik egotea. Ez dut ezer Francoren aurka», adierazi zuen, segurtasun langileak helduta zuen bitartean.

Eta 11:00etako meza egiten ari ziren bitartean egin zuen ekintza artistak, hogei bat pertsona han zirela. Errezatzen hasteko keinua egin zuen, eta hilobiaren parean makurtu zen, eskuineko eskua poltsikoan zuela. Keinu azkar batekin atera zuen margoa, eta kendu zituen diktadorearen hilobiaren gainean zeuden loreak. Ez zuten atxilotu, baina ikertzen ari dira «gorrotozko deliturik» egin duen ala ez.

Vatikanoaren erantzuna

Abuztuan, Espainiako Gobernuak dekretu bidez erabaki zuen Franco hobitik ateratzea, eta urtea amaitu baino lehen egin nahi du hori. Diktadorearen hurkoek eskatu dute Madrilgo La Almudena katedraleko kriptan duten panteoira eramateko, baina hori eztabaida iturri bihurtu da. Gobernua ez dago ados, uste baitu frankismoa goresteko leku bihur daitekeela eliza; horrek, gainera, urratu egingo luke Memoria Historikoaren Legea, gisa horretako lekuak debekatzen baititu.

Eztabaidara sartu da Vatikanoa ere. Hango estatu idazkari Pietro Parolinekin bildu zen astelehenean Carmen Calvo Espainiako presidenteordea. Calvok ohar batean adierazi zuen Eliza katolikoko buruek bat egin zutela gobernuaren jarrerarekin, baina agiria kaleratu eta minutu gutxira, informazio hori ukatu zuen Vatikanoak. Esan zuen ez duela auzian «nahastu» nahi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna