Koronabirusa

Ordizian, saguari isatsetik berriro heldu nahian

Kaleak hutsik daude, eta kezkak bete ditu Ordiziako etxeak. Itxialdiaren lainoa agertu da, eta penaz eta amorruz bizi dira ordiziarrak fokuan, uztailekoak ez diruditen egun hauetan.
Ordiziako Majori kiroldegia, atzo, itxita.
Ordiziako Majori kiroldegia, atzo, itxita. JUAN CARLOS RUIZ / FOKU Tamaina handiagoan ikusi

Jon Ordoñez Garmendia -

2020ko uztailak 8

Zuk ba al dakizu nola harrapatzen duen katuak sagua?». Kezka adina galdera dabil igandeaz geroztik Ordizian (Gipuzkoa), eta kalea asko zapalduz aparteko talaiatik hitz egiten duen ordiziar horrek bere erantzuna eman du, galdera ikur batekin, pentsalariek bezala. Asteartea da, eta, bezperan ez bezala, jende gutxi dago Etxezarreta kalean jarri duten PCR probak egiteko guneko ilaran. Baita kanpoan ere.

Egutegia nahastu egin da egun hauetan Ordizian. Igandea uztailaren 5a zen, baina atzokoak gehiago zirudien abuztu erdiko arratsalde bat, CAF fabrika handia oporretan, herria hutsik duten horietako bat. Bazkalondoan jende gutxi terrazetan, kafearen izotza urtu aurretik azken trago hotza ematen duenak bezala, kaleko gerizpeaz agian azkenekoz gozatu nahi dutenak. Biharamunean agian ekaina izango baita, berriro. Edo okerrago: maiatza. Goizean koronabirus fokuak 30 positibo eman dituela esan dutenetik, eguzkipean ere itxialdiaren laino beltza ikusten da Ordizian.

«Nik uste dut hirugarren fasera eramango gaituztela», dio Bibiana Lazon Olano tabernako zerbitzariak. Plazatik kanpo, hori bezalako leku gutxi daude Ordizian herriaren joan-etorriari so egiteko. Are gutxiago PCR probak egiteko gunea aurrean duenetik. «Gaur lasai dago dena. Atzokoa eromena izan zen. Proba eginda, atera, eta batzuk hona etortzen ziren zerbait hartzera. Guk esan behar izaten genien etxera joateko, eta, azkenerako, udaltzain bati esan genion», dio harrituta Phil Huxford tabernaren jabeak.

Mertxe Korta etxera doa. Bere kuadrillako batek positibo eman du, eta PCR-ak egiteko gunetik atera berri da. Laguna herri antzokian izan zen, zineman, eta, ondoren, Miami tabernan egon zen, pintxo bat jaten. Ez dakite hor kutsatu ote zen, baina positibo eman du, eta, haren mezua jaso ondoren, atzetik kuadrillako zortzi lagun joan dira proba egitera. Eroski Bidaiak agentzian egiten du lan, oporrak antolatzen normalean, eta orain, batik bat, oporrak bertan behera uzten. Abuztua edo ekaina, ezohikoa uztail hau.

«Itxita, bezero gehiago»

2.000 lagunek baino gehiagok egingo dute egunotan PCR proba Ordizian. Itxita daude asteburuaz geroztik Etxezarreta kaleko Sarri, Haka, Miami eta Kebab tabernak, baina irekita zeudenean baino bezero gehiago dituztela orain dio batek, berez horiei soilik eskatu zaielako proba egitera joateko. Jendeak proba egin nahi du, ordea; kaleak hutsik, kezkak hartu ditu etxeak.

Txemi Arteagak Etxezarreta kalean du Nahikari goxoki denda, eta lau taberna horietako bezero asko izaten ditu, zinemazaleekin batera. Konfinamenduan, hilabetez itxita eduki zuen denda, eta etxeetan banatzen zituen goxokiak. Maskara beharrezkoa da dio argi erakusleihoan duen kartelak. «Lasaitu egin gara, eta argi ikusten zen horrelako zerbait gerta zitekeela. Guk hemen ikusten genuen. Jendea ez zen gogoratzen maskara jartzeaz, edo patrikan eramaten zuen». Amorrua ematen dio horregatik. Astelehenetik ez dabil haurrik kalean. Igerilekua, liburutegia, jolas parkeak eta frontoia berriro itxi dituzte. Eta herriko jolasgune handienean, plazan, jolasteko inor ez dago; ezta gaur ohiko azokarik ere.

Iker Zubizarretak pena du, umeengatik. Bi haurren aita da, eta PCRa egina du. «Udalekuak hastear zirenean, berriro atzera. Berriro zigor handiena eurentzat da». Gertu, Olano tabernan, bi bezero terrazan, eta pentsalariak dio: «Sagua harrapatu eta hanka artean ibiltzen du katuak, batetik bestera, jolasean. Hori gertatu zaigu: jolasean ibili gara, eta isatsa berriro ezin harrapatu gabiltza orain».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Angeluko hondartza. ©Guillaume Fauveau

Maskara derrigorrezkoa izango da Ipar Euskal Herriko hainbat herritan ere

Olatz Esteban Ezkati

Berrehun positiboren langa gainditu da seigarren egunez jarraian Hego Euskal Herrian: 224 kasu izan dira azken orduetan. Gipuzkoako tabernariak kexu agertu dira Jaurlaritzaren murrizketak direla eta

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna