Askotariko biktimak omendu ditu legebiltzarrak

Memoriaren Egunean izan dira PP ez beste talde guztiak. Etxerat-ek elkarretaratzea egin du, sakabanaketaren biktimak gogorarazteko
Bakartxo Tejeria eta Iñigo Urkullu, legebiltzarreko omenaldian.
Bakartxo Tejeria eta Iñigo Urkullu, legebiltzarreko omenaldian. JUANAN RUIZ / FOKU Tamaina handiagoan ikusi

Edurne Begiristain -

2019ko azaroak 15

PPkoak salbu, legebiltzar talde guztietako ordezkariek parte hartu zuten atzo goizean Eusko Legebiltzarrak biktimen alde antolatutako ekitaldian. Memoriaren Eguna dela eta, askotariko biktimak gogoan izan zituzten ekitaldi instituzionalean. Bakartxo Tejeria Legebiltzarreko presidentearekin batera, EAJko, EH Bilduko, PSE-EEko eta Elkarrekin Podemoseko legebiltzarkideak izan ziren biktimen aldeko omenaldi xumean. Eusko Jaurlaritzako lehendakari Iñigo Urkulluk eta gobernuko sailburu guztiek ere parte hartu zuten. PPko ordezkariek, ohi bezala, ez zuten parte hartu, biktimak parekatzen dituela iritzita. Aurten ere PPkoek beren kabuz omendu dituzte ETAren biktimak; astelehenean egin zuten, Gasteizen.

Atzo egin zuten Eusko Legebiltzarreko omenaldia, 09:00etan. Ateak zabalik egin zen, eta biktimen aldeko oroitarriaren inguruan bildu ziren ordezkari politikoak. Su ontzia piztuta, isilik eta lore zuriekin gogoratu zituzten biktima guztiak.

Ekitaldian ez zuten irakurri inolako adierazpenik, baina, amaitutakoan, EAJk ohar bat bidali zuen aldarrikatzeko biktima guztiek merezi dituztela oroimena eta duintasuna, «bazterketarik eta parekotasunik gabe».

Sakabanaketak hildakoak

Eusko Legebiltzarraren ekitalditik metro gutxi batzuetara, Etxerat elkarteak elkarretaratze bat egin zuen, sakabanaketa politikaren ondorioz hildako hamasei senide eta lagunen «memoria eta aitortza» aldarrikatzeko. EH Bilduko legebiltzarkideek ere parte hartu zuten bilkuran, hamasei hildakoen omenez paratutako panelaren aurrean beste hainbeste arrosa gorri jarrita. Etxerat-en elkarretaratzean parte hartu zutenek txalo artean eskertu zuten elkartasun keinua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna