Albistea entzun

IRITZIA

Hamar urteren ondoren

Gaztelueta ikastetxea.
Gaztelueta ikastetxea. LUIS JAUREGIALTZO / FOKU Tamaina handiagoan ikusi

Alberto Barandiaran - 'Ez duzu abusatuko' liburuaren egilea

2018ko azaroak 16

Epai historiko eta aurrekaririk gabekoa da Gazteluetako ikastetxearena, hainbat arrazoirengatik. Hasteko, Opus Deiko irakasle ohiari ezarritako zigorra Euskal Herrian pederastia kasu batengatik inoiz jarritako handiena da. Bestalde, erabakia iritsi da arazoak tokia erdietsi duenean agenda publikoan, arrazoi lokalak —Juan Kruz Mendizabal Gipuzkoako bikario ohiaren kontrako salaketek sortutako eskandalua— zein globalak —mundu osoko Elizaren aferarik latzenetako bat da une honetan— tarteko.

Historikoa da, baita ere, gazteak dena kontra eta akusatuak asko alde zutelako. Epaiketa iritsi arte tema handia erakutsi duen Cuatrecasas sendia behin baino gehiagotan sentitu da epaitua, eta babesik gabe egin behar izan dio aurre Bizkaiko eskola elitistenetako bati. Baita, noski, Opus Dei boteretsuari ere. Jazartuak, umiliatuak eta gaitzetsiak izan ondoren, kemena eta konbentzimendua izan dute prozesua bururaino bultzatzeko. Ez dute ahaztu nahi izan.

Abusuak ez baitira ahazten. Biktimek behin eta berriro esaten digute ez dagoela horrelako eraso bortitza ahazterik. Bai isiltzerik. Berunezko isiltasun hori, Elizak eta oro har gizarteak hamarkadatan luzatu dutena, hautsi da Gazteluetan.

Arrazoi dute Elizak eta fededun ugarik, esaten dutenean abusuen gaia ez dela bakarrik Elizaren afera, gizarte osoarena baizik. Baina okertzen dira, eta mesede txikia egiten beren buruari, azpimarratzen dutenean Eliza bidegabe jipoitua izaten ari dela kasuak ezkutatu eta isiltzeagatik. Eliza katolikoak ardura handia dauka afera honetan, hierarkikoki antolatutako erakunde bat delako, eta mundu zabalean gertatutako milaka kasu kontzienteki gordean edukitzea erabaki duelako. Eliza katolikoak bazituen, beste erakunde batzuek ez bezala, boterea, jakintza eta tresnak gaitzari aurre egiten saiatzeko, eta ez da saiatu. Gutxietsi eta mezpretxatu du arazoa.

«Oraindik badut fedea, eta amaieraraino joango gara» esan zuen Gazteluetako ikasle ohiaren amak, prozesua hasi ondoren Ez duzu abusatuko libururako elkarrizketatu genuenean. «Ez dakit dirua eskainiko diguten, baina ez gaituzte erosiko. Konponbideak ona izan behar du gure semearentzat, eta balio behar du beste inori ez gertatzeko. Ez gara salduko».

Hamar urte itxaron behar izan dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar bat COVID ziurtagiria erakusten, Donostian, artxiboko irudian ©Andoni Canellada / foku

Eusko Jaurlaritzak COVID ziurtagiriaren erabilera luzatzea eta beste eremu batzuetara zabaltzea eskatuko du

Irati Urdalleta Lete

Otsailaren 13ra arte behintzat erabiltzen jarraitzeko aukera izatea eskatuko dute. Eremu gehiagotan eskatzea nahi dute: orain artekoetan ez ezik, turismorako ostatuetan, hoteletan eta joko aretoetan.

Paxlovid, Pfizerren botika antibirala. ©MERCK SHARP AND DOHME HANDOUT / EFE

Paxlovid botika antibirala baimendu du EMAk

Ion Orzaiz

COVID-19aren aurkako botika baimentzeko prozesua abiatu du Europako agentziak, 18 urte baino gehiago eta «gaitz larria pairatzeko arriskua» dutenen tratamendurako

Ainhoa Larrañaga eta Eneko Bidegain Huheziko irakasleak, Andoaingo Martin Ugalde kultur parkean. ©Maialen Andres / Foku

Euskal Herriaren irudikapena hedabideetan aztergai, gaur, Martin Ugalde foroan

Berria

Lehenik, hitzaldi bat emango dute, eta, gerora ,mahai inguru bat egingo dute zenbait hedabidetako kazetariekin. BERRIAk zuzenean emango du, 19:00etatik aurrera.

Herritar batzuk COVID-19a atzemateko probatk egiteko zain, Barakaldon, artxiboko irudian ©aritz loiola / foku

Astebetean %17 apaldu da COVID-19ak jota ZIUetan daudenen kopurua

Irati Urdalleta Lete

Hego Euskal Herrian 1.008 gaixo daude COVID-19ak jota ospitalean, duela astebete baino %9 gutxiago.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.