Noiz sortua: 2018-09-06 00:30:00

LARREPETIT

Harrotasuna eta aurrejuzguak

Jaume Gelabert -

2018ko irailak 6

Whatsappez jasotako mezuak Guillem d'Efakek (1930-1995) kontatzen zuen anekdota dakar. Abeslari mallorcarra Ekuatore Ginean jaio zen, guardia zibil kolonial baten seme. Hiru urte zituenean, aitak haurra bere herrira, Manacorrera, ekarri zuen, ama Rio Munin utzita. D'Efak beltza zen, Manacorreko lehenengoa bertakoen arabera. Eta pasadizoa. Jatetxean, zerbitzaria gaztelaniaz zuzendu zaio gizonari, eta abeslariaren katalan garbiko erantzuna entzundakoan, harriduraz, «Aizak, uste nian beltza hintzela!», bota dio hizkuntza berean. Aurreiritziak eta irrazionaltasuna.

Bigarren istorioa posta elektronikoz jaso dut. Aztoratua azaldu dit trantzea lagunak. Maistra dabil Iruñeko Sanduzelai, gaztelaniazko San Jorge, auzoko A ereduko eskola publikoan. Halako batean, jolastokian dela, 6 urte inguruko haur bati nongoa ote den galdetu dio. Azken hitza ahoskatzearekin batera damu zaio galdera ezegokia egin izana, are gehiago neskatoaren erantzuna jasotakoan: «Nongoa naizen? San Jorgekoa!». Txikiaren aurpegiak hitzik gabeko mezu argia helarazi dio, «Tuntuna haiz, edo?», eta horrela sentitu da. Jakin badakit laguna profesional saiatua dela eta sutsu jarduten duela bere aurreiritziak ezabatzeko lanetan. Neskatoa beltz-beltza da, 30 hizkuntza entzuten ahal diren eskolako ikaslea. Euskara, gelako saioan baino ez.

Twitterren bidez ezagutu dut aurten, azkenean ere, Sanduzelai auzoan institutu bat izanen dela, D eredukoa. Harrigarriki, kezka iturri izan da berria eskola inklusiboaren aldeko militante batzuendako. Horien iritziz, A ereduko institutuez inguraturiko auzoan euskarazko eredua besterik ez eskaintzea akats tamalgarria da, hartutako erabakiak eskolaren aniztasunaren, inklusioaren eta elkarbizitzaren kontra eginen duelakoan. Baiki, zaila izaten da maiz aurrejuzguen motxilaren zama arintzea, nahiz eta, ustez, eginbide horretan kartsu aritu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Koronabirusak gutxienez 380.000 pertsona hil ditu munduan

Berria

Johns Hopkins Unibertsitateak jasotako datuen arabera, 380.250 dira dagoeneko izurriak hildakoak, eta ia 6,4 milioi kasu baieztatu dituzte planeta osoan.

Emakume bat kafea hartzen, Gasteizko Foru plazako harmailetan. ©D. AGUILAR / EFE

Espainiak ez du onartu Euskal Herri osoan ibili ahal izatea

Gotzon Hermosilla

Jaurlaritzak eskaera hori egin zien Espainiako eta Frantziako gobernuei. Araban, Bizkaian eta Gipuzkoan aukera egongo da herrialde batetik bestera joateko, hirugarren fasera igaroz gero

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna